Лагерьда гөрләп Сабантуй бәйрәме үтте.Укучылар төрледән-төрле уеннарда актив катнаштылар.Бәйрәм бик күңелле үтте.

Бәйрәм белән!!!

1 июнь - балаларны яклау көне һәм мәктәбебездә "Ялкын" ял һәм сәламәтләндерү лагере узенең ишекләрен ачты. Бүген 15 укучы мәктәп яны лагеренда ял итә. Әйдәман апалары белән отрядларга бүленделәр. Ашханәдә пешекче апалары тәмледән-тәмле ризыклар әзерлиләр.Укучыларга күңелле яллар телибез.

Мәктәптә гөрләп Сабантуй бәйрәме үтте.Укучылар төрле уеннарда катнашып, бүләкләр алдылар.Бәйрәм бик күңелле үтте.

24 май көнне мәктәптә "Соңгы кыңгырау" бәйрәме үтте.Бәйрәм белән котларга район мәгариф бүлеге җитәкчесенең укыту методик эшчәнлек буенча урынбасары Имамова Роза Әсгать кызы килде.Ул үзенең изге теләкләрен чыгарылыш класс укучыларына җиткерде.Мәктәп директоры бәйрәм белән котлады, алдынгы укучыларга, укытучыларга диплом, истәлек бүләкләре тапшырды.Ата-аналар  укытучыларга рәхмәт сүзләрен әйттеләр, укучыларга ак юл теләделәр.Бәйрәм кичәсе ветеран укытучылар белән чәй табыны артында дәвам итте.

Район мәгариф бүлеге планы нигезендә күпкырлы сәләтле, зыялы татар балаларын барлау, аларны үз яшьтәшләре арасында республикакүләм таныту, татар шигъриятенә мәхәббәт тәрбияләү максатыннан, башлангыч класс укучылары арасында“Г.Тукай исемендәге шигырь укучылар” бәйгесенең район этабы үткәрелде. Бәйгедә 1 класс укучысы Шәйдуллин Рәсимҗан ( укытучыcы: Э.Ф.Гарипова), 2 класс укучысы Әхмәтов Данис, 4 класс укучысы Ихсанова Айгөл катнаштылар.Ихсанова Айгөл 1 урынга лаек булды. Җитәкчесе: А.Ф.Хисамова.

23 нче май көнне Аккүз мәдәният йортында журналист, танылган язучы Гөлсинә Наил кызы Галимуллина белән очрашу үтте.Язучы Саба районы Эзмә авылында дөньяга килгән.Гөлсинә Наил кызы үзенең иҗаты, әсәрләре турында сөйләде.Очрашу бик кызыклы үтте.

Татарстан Республикасы Мәгариф һәм фән министрлыгы, Татнетны үстерү фонды һәм Арча муниципаль районы башкарма комитетының “Мәгариф идарәсе” муниципаль учреждениесе, Кушлавыч төп гомуми белем мәктәбе белән берлектә бөек татар шагыйре Г.Тукайның тууына 132 ел тулуга багышланган «Хезмәтем, көчем – милләтем өчен» девизы белән үткәрелгән II Россиякүләм «Китапнамә»ләр («Буктрейлер») бәйгесе НӘТИҖӘЛӘРЕ билгеле...

Агымдагы елны бәйгегә 5 юнәлеш буенча 77 эш кабул ителде. Иң күп китапнамәләр гуманитар фәннәр юнәлешендә кабул ителде (39 эш). Республиканың төрле районнарыннан килгән эшләр белән беррәттән Пенза, Самара өлкәләреннән дә эшләр тәкъдим ителде...

Гран-При:

Актаныш муниципаль районының «Аккүз төп гомуми белем мәктәбе» муниципаль бюджет гомуми белем учреждениесе укытучысы Шәвәлиев Дилүс Мирзасалих улы. “Күгәрчен оя корганда” китапнамәсе белән.

Кичә, 18 май көнне, Актаныш Балалар сәнгать мәктәбе укучылары бер еллык эшчәнлекләренә йомгак ясап, үз һөнәрләрен Актаныш тамашачысы һәм әти-әниләр хозурына тәкъдим итте. Безнең мәктәптән “Гармония” исемендәге инструменталь ансамбль чыгыш ясады.Укучыларның рәсемнәре тәкъдим ителде.

Педагог-оештыручы Шәйдуллина Л.Н. укучылар белән пионер туган көн уңаеннан, музейда экскурсиядә булдылар.