Мәктәптә 27 августтан 9 сентябрьгә кадәр уздырылучы "Игътибар-балалар!"акциясе барышында, "Юл йөрү кагыйдәләрен пропагандалаучы" Актаныш районы бүлек җитәкчесе Сәетова Рәсимә Заһит кызы һәм балигъ булмаган балалар белән эшләүче муниципаль хезмәткәр Багавиева Динара Алмаз кызы белән очрашу булды.

1 нче сентябрь - белем бәйрәме, беренче кыңгырау бәйрәме. Бүген мәктәпләрдә hәр бала көтеп алган яңа уку елы башланды. Кадерле укучылар, зур ихтирамга лаек булган укытучылар, әти-әниләр! Сезне бәйрәм белән котлыйбыз. Сезгә җан тынычлыгы, күңел көрлеге, тән сихәтлеге, эшегездә, укуыгызда, шәхси тормышыгызда зур уңышлар теләп калабыз. Яңа уку елы hәркемгә шатлык-сөенечләр, бары тик яхшы билгеләр, уңышлар гына алып килсен.

Мәктәп яңа уку елына әзер!

Башлангыч класслар укытучысы Хисамова Айсылу Фәрит кызы районның мәгариф идарәсенең Мактау грамотасына ия булды.Айсылу Фәрит кызын котлыйбыз!

Бүген, ягъни 23 нче август көнне "Мәктәпкә җыенырга ярдәм ит!" акциясе кысаларында коллектив тарафыннан җыелган акчалата ярдәм үзебезнең мәктәптә белем алучы ике укучыга тапшырылды.

Актанышта техник иҗатны үз итүчеләр Авиашоуга бик зур дулкынлану белән әзерләнделәр. Техник модельләштерү белән максатчан шөгыльләнүче остазлар да, укучылар да үзләре ясаган модельләрне кат-кат күздән кичерде, яңартты, яңа детальләр өстәде – камилләштерде. Авиашоу кысаларында алар үз күргәзмәлекләрен тәкъдим иттеләр. Укучылар да, Актанышта беренче тапкыр уздырылган Авиашоу кысаларында, авиамодельләштерү бәйгесендә, үзләре ясаган ракета белән катнаштылар. Җитәкчеләре:Шакиров И.Ә., Җәмилов Р.Ф.

Авиошоу ярышында безнең укучылар мактаулы 3 урынга ия булдылар.Молодцы!

9 нчы август көнне “Байсар төп гомуми белем бирү мәктәбе” базасында тәрбия эше буенча директор урыынбасарларының чираттагы семинары узды. Монда мөгаллимнәребез тәҗрибә уртаклаштылар, чыгышлар ясадылыр, алдагы уку елына эш планлаштырдылар. Тәрбия өлкәсенә кагылышлы проблемаларны уртага салып сөйләштеләр. Семинарда безнең мәктәптән А.И.Шакирова катнашты. Авыр һәм җаваплы эшләрендә аларга уңышлар телик.

6 август көнне аерым фәннәрне тирәнтен үзләштерүле 2 нче санлы Актаныш урта мәктәбе базасында сыйныф җитәкчеләренең август киңәшмәсе узды. Киңәшмә барышында узган уку елындагы эшчәнлеккә нәтиҗә ясалды, яңа уку елына максат һәм бурычлар куелды. Чарада безнең мәктәптән сыйныф җитәкчеләренең методик берләшмә җитәкчесе Исламова А.Ф.. һәм 1, 3 нче сыйныфлар җитәкчесе Хисамова А.Ф. катнашты.

Укучылар бүген лагерь белән саубуллашты.