2 нче май мәчетебездә Рамазан гаете бәйрәме үткәрелде. Безнең укучыларыбыз да бу бәйрәмдә актив катнаштылар. Төрле кул эшләре, рәсемнәр, шамаилләр ясап бүләкләр алдылар. Бәйрәм концертыннан соң мул табын артында сыйланып таралдылар.

29 нчы апрель көнне Әлки районыннан безнең көрәшче егетләребез җиңүләр белән кайттылар.Турнирда 200гә якын көрәшче катнашкан. Үз авырлык категорияләрендә безнең 10 сыйныф укучысы Камалов Илдус  – беренче, Замалетдинов Зөлфәт өченче урынны яулады. Әфәрин егетләр!

Башлангыч сыйныф укучылары арасында Габдулла Тукайның туган көненә багышлап,  "Тукай безнең күллердә" дип аталган уен квест үткәрелде. Укучылар бу уен квеста бик теләп катнаштылар , җиңүчеләргә татлы бүләкләр тапшырылды.

Район китапханәчеләре югары сыйныф укучылары өчен патриотик темага уен үткәрделәр . Уен дүрт этапта узды, анда катнашучылар үзләренең белемнәрен тикшереп, тарихи күзаллауларын киңәйттеләр. Һәр катнашучыга истәлекле бүләкләр тапшырылды.

Бишенче сыйныф укучысы Гафиятуллин Фаил Чистай шәһәрендә үткән шахмат турнирыннан янә җиңүләр белән кайтты.

15 нче апрель көнне мәктәп күләмендә шахмат- шашка турнирлары үткәрелде. Балалар бик теләп әлеге уеннарда катнаштылар. Алар һәрбер йөрешнең җиңүгә илтәсенә ышанып, бирелеп уйнадылар. Нәтиҗә ясап җиңүчеләргә  грамоталар һәм бүләкләр тапшырылды.

Башлангыч сыйныф укучылары белән табигать кочагына язгы билгеләрне күзәтергә чыктык. Кояш җиребезгә җылысын да, яктысын да бик юмарт биргәнен,. кар күзгә күренеп кимегәнен, яңгыравык тавышлы гөрләвекләр елгаларга таба юл алганын күзәттек. 

1нче апрель көнне Аксубай районында  "Без бергә" Республика балалар иҗаты фестиваленең муниципаль этабы булып үтте. Безнең мәктәп укучыларыбыз төрле номинациядә катнашып  төрле урыннар яуладылар.

 26 нчы март көнне, мәктәп күләмендә "Нәүрүз" бәйрәме узды. Бәйрәмгә алдан ук әзерлек эшләре алып барылды. Күчмә кошларыбыз сыерчыкларга оялар ясалды. Килгән кунакларыбызны кайнап торган самовар, кайнар коймак, бал, конфетлар куелган өстәл каршы алды. Аннан бәйрәм концерты,  халык уеннары, күңелле ярминкә белән төгәлләнде. 

Сегодня в нашей школе для начальных классов прошёл «Урок цифры» - необычный урок информатики. Участие в «Уроке цифры» позволило каждому ученику узнать о важности развития цифровых навыков. Ознакомились что такое кибербуллинг в интернете.  Ученики на простых примерах освоили обучение нейросети.