Электронное образование Республики Татарстан

16 нчы февраль көнне балалар бакчасында "Татар халкының улы, герой шагыйрь Муса Җәлил" дип исемләнгән чара булып узды. Чараның максаты, балаларны М. Җәлилнең тормыш юлы, аның иҗаты белән таныштыру. Шигырьләрен сөйләп карау, көйгә салынган шигырьләрен җырлау.

Бакчага башлангыч сыйныф укучылары кунакка керде.
Мәктәпкәчә яшьтәге балалар үзләре өйрәнгән М. Җәлил шигырьләрен сөйләп күрсәтте. Бергәләшеп аның шигыренә язган җырларны җырлап, хәрәкәтле уеннарын уйнап алдылар.
Һәм шулай ук балаларның рухи үсешендә зур роль уйнаган М. Җәлилнең тормыш юлын искә төшереп үттеләр.
Бу очрашу, аралашу балалар күңелендә файдалы булса иде.

Бүген “2 нче Аксубай урта мәктәбе” муниципаль бюджет мәгариф учреждениесе базасында өлкән сыйныф укучылары арасында "Интеллект.Сәламәтлек. Әхлак" дип аталган экологик конференция булды. Район мәктәбләреннән укучылар фәнни эшләр тәкъдим иттеләр.
Безнең мәктәптән 8нче сыйныф укучысы Закирова Ләйсән үзенең остазы белән әзерләгән "Орлыкларның үсүенә йогынты ясаучы чәчү алдыннан эшкәртүнең оптималь ысулларын билгеләү" дип аталган эш белән чыгыш ясады. Алар остазы белән район буенча I урынны яуладылар.
Ләйсәнгә һәм фәнни җитәкчесе булган Туктамышев Рифкать Тәлгать улына зур рәхмәтебезне белдерәбез. Аларга тагын да зуррак җиңүләр теләп калабыз.

20 нче февраль көнне башлангыч сыйныф укучылары өчен 23 нче февраль,Ватанны саклаучылар көненә багышланган бәйрәм үткәрелде. Чара ярыш формасында узды. Укучылар ике командага бүленеп көч сынаштылар, төрле конкурсларда катнаштылар. Бәйрәм күңелле һәм мавыктыргыч үтте.