Мәктәп яны лагере балаларны һәр төрле  үсешкә ирештерер өчен күп көч куя. Туган якка игътибар арттыру, кече Ватанның зур мөмкинлекләрен файдаланып  калу өчен вакытларын кызганмый эшли тәрбиячеләр. Бүген без Аксубай үзәгенә бардык. Бассейнда коенып, яр буе матурлыкларын күреп кайттык.

Бүген Россия көне. Безнең дәүләтебез турында балалар белән сөйләшүләр алып барылды. Флешмоб биеп, рәсемнәр ясап Ватаныбыз бәйрәмен уздырдык.

Бүген, лагерьның  9нчы көнендә, балалар Казан шәһәренә сәяхәткә бардылар. Алар Кремль буйлап экскурсиядә, музейда булдылар. Балаларның иң көтеп алганы-цирк булды.  Җәйге лагерь тагын бер матур хәтирәсе белән балалар күңелендә калачак.

Бүген бездә "Әхлак кагыйдәләре"көне. "Дуслык"та тәрбияләнүчеләр  шул темага караган әңгәмәләр тыңлады. Рәсемнәр ясап, уеннар уйнадылар.

Рәсәй бүген бәйрәм итә,
Карап булмый тыныч кына,
Чал ветеран ләгънәт укый!
«Тик булмасын сугыш кына!»
Бүген укучылар авылдашларыбызга бәйрәм концерты күрсәтте.

"Үлемсез автополк" акциясе

Бүген укучыларыбыз Иске Татар Адәм суы һәм Яңа Адәм суы авылларында "Җиңү көненә" багышланган бәйрәм концерты күрсәтеп кайттылар. Тамашачы һәр чыгышны кайнар алкышларга күмде. Ахырдан артистларларга рәхмәт сүзләре әйтелде.

Мәктәбебез "Җиңү тәрәзәләре" акциясенә кушылды. Укучылар үз сыйныф тәрәзәләрен мәңгелек ут, йолдызлар, георгий тасмалары, шарлар белән бизәделәр.

"Җиңү бакчасы" акциясе бөтен Рәссия буенча киң колач алды. Мәктәбебез дә әлеге акциягә теләп кушылды. 11нче сыйныф укучылары алмагач үсентеләре утырттылар. Бу агачлар фронтта башын салган каhарманнарны безгә хәтерләтеп торсыннар.

Түбән Майна укучыларының чираттагы сәяхәте Мәскәү шәһәренә иде. Гадәткә кергән "дөнъя күрүләр" безнең Казан шәһәрендә "Мин татарча сөйләшәм" чарасыннан башланды.Ә Мәскәүгә иртән килеп җитеп, гид ярдәмендә шәһәрне күзәтеп чыктык. Барлык истәлекле урыннарны карап, укучыларыбызның күзаллавын арттырып , әллә никадәр мәгълүмат тупларга мөмкинлек бирә алуыбызга сөнеп кайттык.