Табигать – без сулаган һава, безне иркәләгән җил, җылы кояш нурлары. Табигать – Ана, Җир-ана дибез. Беркем дә табигатькә битараф түгел. Һәр язучы, шагыйрь, рәссам, композитор табигать турында язмый калмый. Моннан йөз ел элек Лев Николаевич Толстой болай дип язып калдырган: "Бәхет ул - табигать белән булу, аны күрү, аның белән сөйләшү!".  Безнең "Дуслык" лагеры да бу фикер белән тулысынча килешә. Җәйге эсселәргә карамыйча, без күбрәк табигатьтә булырга тырышабыз. Бүген дә авылыбызның матур урыннарын карап кайттык. Туган җиребезнең табигатендә сокландыргыч урыннар, чыннан да, бик күп. Яшел тугайлы болыннарга, балыклы, кош-кортлы агымсуларга, түгәрәк күлләргә бай ул.

14 июнь - "Дуслык" лагерында мультфильмнар көненә багышланды. "Союзмультфильм"га 88 яшь тулды! Легендар киностудия үзенең туган көнен 2024 елның 10 июнендә  билгеләп узды. "Союзмультфильм" СССР һәм Россиядә генә түгел, ә дөньякүләм яраткан әсәрләр тудыручы булып тора.  Студия, яңа әсәрләр чыгарып, хәзерге вакытта да актив эшчәнлек алып бара. Бүген лагерьдагы балалар Россиянең таныш һәм тәрбияви мультфильмнарын карадылар, кадрлар буенча персонажларны танып белделәр, табышмаклар ярдәмендә мультфильм геройларын искә төшерделәр, танылган мультфильмнардагы җырларны җырладылар. Соңыннан укучылар яраткан персонажларын ясадылар.

Бүген балалар белән Казанда кунакта булып кайттык. Иң беренче безне "Әкият" курчак театры каршы алды. Монда без "Кызыклы Шүрәле" дип аталган тәрбияви тамаша карадык. Соңыннан "Дом Великана" дип аталган музейда зурдан-зур предметларны карап чыктык. Үзебезнең яратып өлгергән уен залы "Тики-вики"га юнәлдек. Балалар монда туйганчы төрле уеннар уйнадылар, батутта сикерделәр, кыскасы, күңелле ял иттеләр.

Халык аны милли бердәмлек, теләктәшлек һәм тынычлык көне буларак бәйрәм итә. Илебезнең төп байлыгы – аның күпмилләтле халкы. Һәр халыкның үз мәдәнияте, гореф-гадәтләре бар, аларны сакларга һәм киләчәк буынга тапшырырга кирәк. Шушы вакыйга уңаеннан, "Дуслык" мәктәп лагерына йөрүче балалар белән төрле чаралар уздырылды. 

Бүген лагерьда балалар белән ришвәтчелек турында сөйләштек. Укучылар ришвәтчелеккә каршы көрәшү темасына матур рәсемнәр ясадылар. Соңыннан Кәрим күлендә көймәдә йөздек, табигатьтә уеннар уйнадык.

Бүген балалар белән табигатькә чыктык. Чирмешән буйларын, Сәет күлен карап,  авылыбыз тирәсендәге болыннарда рәхәтләнеп уйнап, самолетлар очырып кайттык.

Бүген безнең лагерьда "Баллы көн" булды,чөнки 7 нче июнь- шоколадлы туңдырма көне буларак билгеләнеп үтелә. Балалар туңдырма турында шигырьләр яздылар, рәсемнәр ясадылар, туңдырма ничек ясалувы турында видео карадылар һәм шоколадлы туңдырма белән сыйландылар. Соңыннан саф һавада хәрәкәтчән уеннар уйнадылар.

6 июнь - бөек рус шагыйре  Александр Сергеевич Пушкинның туган көне. Мәктәп лагеренда бу көнне балалар арасында ярыш уздырылды. Алар шагыйрь һәм аның иҗаты буенча үзләренең белемнәрен сынадылар. Ребуслар чиштеләр, рәсемнәр буядылар һәм үзләре дә шигырь язып карадылар

Әлеге экологик бәйрәм 1972 елдан билгеләп үтелә. Бүген экологик проблемалар бик күп, ләкин һәркем, аз-азлап булса да, планетабызны саклау өчен үз өлешен кертә ала. Ничек итепме? Гап-гади кагыйдәләрне үтәп. Тәрбиячеләр лагерьга йөрүче балалар белән шушы кагыйдәләрне искә төшерделәр. Һәркем үти алырлык гади һәм җиңел кагыйдәләр. Гади генә булсалар да, алар безнең тирә - юнебезне саклауга зур өлеш кертергә сәләтле. Балалар арасында шушы кагыйдәләргә нигезләнеп ясалган рәсемнәр конкурсы да үтте.

4 нче июнь  "Бөтендөнья кариеска каршы көрәш көне" буларак билгеләп үтелә. Бу көнне кариес һәм аны профилактикалау ысуллары турында хәбәрдарлыкны арттыруга юнәлтелгән төрле чаралар үткәрелә.
Әлбәттә, "Дуслык" лагеры да читтә калмады. Балалар белән кариес турында, аның килеп чыгу сәбәпләре һәм аны булдырмау өчен нәрсәләр эшләргә кирәклеге турында сөйләштек. Шулай ук дөрес теш чистартуны да искәртеп үттек. Әңгәмәдән балалар кариеска багышланган кызыклы квест үттеләр.