22 нче ноябрь  көнне Татар гимназиясендә татар халкының милли киемнәренә  багышланган чираттагы  фольклор кичәсе узды. Бәйрәмне 8Б сыйныфы  укучылары  (сыйныф  җитәкчесе  Черкасова  Ф.Ш. ) әзерләде. Кешелек дөньясы һәракыт  матурлыкка  омтылган. Матурлык  безне кара  уйлардан  коткара, явызлыктан  саклый. Безнең  әби-бабаларыбыз да  һәрвакыт  матурлыкка омтылганнар. Алар моннан  йөз  еллар элек  нинди  киемнәр  кигәннәр  соң? Ә  ике  йөз ел  элек? Аякларында  чабата, өсләрендә  күлмәк  тә альяпкыч, башларында  түбәтәй,  диярсез. Ә бәйрәм көннәрендә  - Сабан  туенда, туйларда, кунакка  барганда  нинди киемнәр  кигән  соң  алар? Әлеге  һәм халкыбызның кием  тарихына  караган  башка  бик  күп  сорауларга  җавап  табылды  әлеге  кичәдә.