Татар  гимназиясе  коллективы  "Милли  мәгариф  һәм тәрбиягә нигезләнеп  иҗади  шәхес  тәрбияләү" дигән  методик  тема  өстендә  эшли. Шушы  тема  нигезендә  һәр  елны  гимназиядә  татар  халкының  гореф-гадәтлшрен  һәм  йолаларын  өйрәнү  пограммасы  төзелә.  Һәр  сыйныф  үзенә  бирелгән  тема  буенча  чыгыш  әзерли.Халкыбызның  "Су  буенда  кичке  уен", "Аклы татар  сөлгесе-  керсез җанның  көзгесе", "Чигүле  читекләрем", "Каз  өмәсе"  кебек бөйрәмнәрен,  йолаларын, гореф-гадәтләрен  үткәрү  традициягә  әйләнде. 21 нче  октябрь  көнне  актлар  залында  үткәрелгән "Эх, тәмле  татар  ашлары"  кичәсе  әлеге  программаның  бер өлеше  7Б сыйныф  укучылары  бөйрәмгә  әзерләнүгә  зур  җаваплылык  белән  караганнар. Актлар  залы  бәйрәмчә  бизәлгән.  Уртада  - өстәл. Ә өстәлдә   балалар  үзләре  пешереп  килгән   татар  халык  ашлары. Бәйрәм   татар  халык  ашлары  турындагы   шигырьләр,  җырлар  һәм биюләр  белән  үрелеп  барды.