Бүген, 19.04. көнне безнең мәктәпкә шәһәр яшьләре өчен  техник  түгәрәкләр  җитәкчесе Хәйруллин Артур Фәргатович, фәнни хезмәткәр Салахов Марат Низамович, аларның укучылары Кирпичников Евгений, ТиховнинАлександр һәм безнең мәктәпнең 4 сыйныф укучысы Тухватуллин Рауль  үзләренең эшләнмәләре белән килделәр алар үзләренең чыгышлары белән укучыларны кызыксындырдылар. Без үз  чиратыбызда  алар белән хезмәттәшлек итәргә килештек.

Бүген мәктәптә яшүсмерләр белән эшләү инспекторы Хәмидуллина Лилия Ринатовна һәм Казан  тимер юл куркынычсызлыгының өлкән инспекторы  Фәсхетдинова Фәния Рафаэлевна  урта һәм өлкән сыйныф укучылары белән  очраштылар. Бу очрашу   наркотиклар һәм психоактив матдәләр куллану профилактикасы акциясе кысаларында үткәрелде. Хәмидуллина Л.Р.  укучыларга наркотиклар кулланган, таратырга ярдәм иткән,  71 нче законны бозган өчен  өчен нинди җәзалар каралуы, интернетта нинди куркыныч тәкъдимнәр булырга мөмкинлеге хакында сөйләде. Ә инде тәртип бозучыларны күргән очракта кайда беренче хәбәр итәсен дә укучыларга аңлатып бирде.

 Фәсхетдинова Ф.Р. тимер юл буенда йөргәндә куркыныч хәлләр турында,  вагон башына менү очракларының ахыры бик тә хәвефле  тәмамлануын мисаллар китереп сөйләп күрсәтте.

12 апрель көнне Яшел Үзән шәһәренең 16 нчы мәктәбендә “Тау ягы: тарих, мәдәният һәм рухи мирас” исемле III төбәкара конференция булып узды. Бу конференция мәктәбебез өчен яхшы традициягә әйләнеп китте. Елдан-ел әлеге конференциягә карата кызыксыну арта бара. Быелгы конференция Яшел Үзән шәһәре һәм районы, Югары Ослан, Кайбыч, Апас, Тәтеш районнарыннын 60 ка якын укучыны җыйды. Конференция эше 5 секция кысаларында барды: “Тау ягы авыллары һәм калалары тарихы”, «История населенных пунктов (деревень, городов) Горной стороны», “Исәннәрнең кадерен бел, үлгәннәрнең каберен бел (танылган шәхесләр һәм якташлар)”, «Их имена достойны памяти потомков (известные личности и земляки)», «Духовные традиции и культура народов Горной стороны в прошлом и настоящем».

Конференциянең статусын жюри әгъзаларының да лаеклы шәхесләрдән формалашуы ассызыклады. Алар арасында мәшһүр педагог, тикшеренүче Ә. Садриев, тарих фәннәре кандидатлары Ә. Гатин, И. Гыйбәдуллин, А. Егоров һ.б. бар

Барлык катнашучылар КФУ дипломнарына һәм рәхмәт хатларына лаек булдылар.

Россияне проверят знания о Великой Отечественной войне

22 апреля

30 нчы март көнне Яшел Үзән районының Әйшә урта мәктәбендә чираттагы Тукай укулары узды. Әлеге чарага ТР Язучылар берлегеннән шагыйрь Газинур Морат, Рифат Сәлах; театр белгече Луара Шакирҗан, Г.Камал театры актеры Хәлим Җәлалов һ.б. әдәбият әһелләре катнашты. Безнең мәктәптән 10 нчы А сыйныфы укучысы Абубакиров Әмир Р.Миңнуллинның “Туфанга килешә ул!” исемле шигыре белән бик уңышлы чыгыш ясап, икенче урынга лаек булды.

Халык бәйрәмнәре – шул халыкны милләт итеп берләштерә торган чараларның берсе. Һәр милләтнең үзенә генә хас бәйрәмнәре була. Алар халыкның милли горурлык, милли хисләр культурасын тәрбияләргә ярдәм итеп кенә калмыйлар, ә шул хисләрне кичергән кешеләрдә рухи канәгатьләнү дә тудыралар. Әгәр дә халык бәйрәмнәре югала, юкка чыга икән, бу инде аның рухи байлыклары саега баруын чагылдыра. Халык бәйрәмнәре һәр кешенең йөрәк түрендә саклана, чөнки җыр, бию, яңа көйләр башкару, очрашу – танышулар шушы көннәрдә була. Бүген бездә бәйрәм-күңелле Нәүрүз бәйрәме үтте.

Быел бәйрәмне шәһәребезнең балалар иҗат мәктәбе белән берләшеп уздырдык. Шунлыктан ул быел тагын да матуррак, күңеллерәк булып чыкты. Иҗат мәктәбендә укучыларыбыз һәм бер үк вакытта “Сәләт-Яшел Үзән” клубы әгъзалары, үзләренең уен коралында уйнау осталыкларын (Сөнгатуллин Раниф, 9 сыйныф), шигырь сөйләү (Вохидов Булат, 4 сыйныф), җырлау (Маланьева Эльвира, 8 сыйныф) һ.б. осталыкларын күрсәттеләр. ШБИ мәктәбенең тәрбия эшләре буенча җаваплы хезмәткәре Лотфуллова Дания Сәлимулла кызына һәм укытучылар коллективына олы рәхмәтебезне белдерәбез.

Педагог-организатор Садриева Д.С.

16 нчы март көнне Ф Шәфигуллин китапханәсендә якташ язучыбыз Азат Вергазовның тууна 85 яшь тулу уңаеннан кичә оештырылды. Кичәгә язучының бертуган сеңлесе килгән иде, ул абыйсы белән булган балачак хәтирәләрен искә алды. Шулай ук кичәгә Азат абый белән иңне-иңгә куеп күп еллар бергә татар гимназиясендә укыткан укытучылар Вил Шагиязданов һәм Алсу Камилевна килгән иде. Алсу Камилевна Азат Вергазов шигырьләренә 6 җыр иҗат иткән, шуларның берсен матур итеп башкарды. Кичәне оештыручыларга зур рэхмэт.

14 нче март көнне 16 нчы мәктәптә сәләтле балалар һәм талантлы яшьләрне туплаучы «СӘЛӘТ - ЯШЕЛ ҮЗӘН КЛУБЫ » “Переведи! Татарча өйрәнәбез!” интеллектуаль уенын уздырды. Уенны ТНВ каналында шушы уенның алып баручысы Илсур Нафиков алып барды.

Уен шәһәркүләмендә узды, бу чарада катнашу өчен, шәһәрнең 3, 4, 7, 14 нче мәктәпләреннән икешәр укучы килгән иде. Уенның җиңүчесе 3 нче мәктәп укучылары булды. Әфарин!