«Родительская забота» проекты кысаларында 3 нче май көнне муниципаль күләмдә  өмә үткәрелде. Безнең гимназиядән гаиләләре белән 2 нче а сыйныфы укучылары һәм сыйныф җитәкчесе дә катнашты.

30 апрель көнне гимназиядә 1-11 сыйныфларда  Россия, Кырым Республикасы һәм Севастопольнең берләшүенә багышланган "Без бергә" темасына Парламент дәресе үтте.

Бүген гимназия күләмендә “Тамчы-шоу” интеллектуаль уены 5-6 нчы сыйныфлар арасында үтте. Укучылар бик күп кенә кызыклы мәгълүматлар туплады. I нче урынны “Йолдызлар” командасы яуласа,  II нче урынга “Татар яшьләре” командасы лаек булды. Командалар грамоталар белән бүләкләнде. 

Гимназия күләмендә Габдулла Тукайның туган көне уңаеннан, “Тамчы-шоу” интеллектуаль уены булды. Уенда 3-4 нче сыйныф укучылары катнашты. Алар берничә катлаулы тур үтеп, бәйгедә үз белемнәрен күрсәтте. I нче урынны “Без – Тукай оныклары!” командасы яуласа, II нче урынга “Йолдызлар” командасы лаек булды.

Гимназия күләмендә “Уйнагыз, гармуннар!” фестивале узды. Бәйгедә 3-4 нче сыйныф укучылары катнашты. Алар гармунда, баянда, аккардеонда уйнап күрсәттеләр. Катнашучыларны мәртәбәле жюри, шәһәр күләмендә дә танылган гармунчы, курай остасы Вил абый Шәрәфетдинов бәяләде.

Гимназия укытучылары һәм укучылары бүген өмәгә чыкты. 

22 нче апрельдә гимназиянең “Самостоятельные дети” проектында катнашучы укучыларыбыз “Эссен” сәүдә йортында булып узган “Мәрхәмәтлелек меридианы” акциясендә катнашты. Әлеге чара Бөтенроссия күләмендә игълан ителгән Язгы мәрхәмәтлелек атнасы кысаларында үткәрелә. Проект активистлары Казан шәһәрендә урнашкан балалар онкология хастаханәсенә уенчыклар җыйдылар һәм башкаларга да ярдәм сорап мөрәҗәгать иттеләр. Тамашачылар өчен концерт та оештырылган иде.

Проект Балалар иҗат үзәге тарафыннан тәкъдим ителә һәм инде берничә ел уңышлы эшләп килә.

12нче апрель  көнне нәкъ сәгать 12дә гимназиядә бердәм (тоталь)диктант үтте. Үзләренең орфографик белемен әти-әниләр дә, гимназия хезмәткәрләре дә, укучылар да сынады. Аларга татар  һәм рус телләрендә булган текстлар тәкъдим ителде. 100 кешегә үз белемен тикшерергә мөмкинлек туды. Татар һәм рус теле укытучылары нәтиҗәләрне билгеләде, һәркем үз эшенең сыйфаты белән танышты.

“Сәламәт бул!”

Бүген гимназиядә “Сәламәт бул!” бәйгесе старт алды. Барлык сыйныфлар да ныклап әзерләнгән. Башлангыч сыйныф укучылары һәм 6-7 нче сыйныфлар өчен КВН оештырылды. Бәйгедә һәр сыйныф үзләренең командаларын яклап чыгышлар әзерләде, дөрес туклану кагыйдәләре һәм юл йөрү кагыйдәләре буенча белемнәрен күрсәтте. Командаларның капитаннары диагноз кую һәм сәламәтлеккә кагылган бирем, сораулар белән команда өчен өстәмә балл җыйды.

Нәтиҗәдә, 3-4 нче сыйныфлар арасында 3 нче урын 4 нче б сыйныфына, 2 нче урын 3 нче б сыйныфына, 1 нче урын 4 нче а сыйныфына бирелде.

Урта сыйныфлар арасында 6 нчы а һәм 7 нче а сыйныфы 2 нче урын яуласа, җиңүчеләр булып 5 нче б һәм 7 нче б сыйныфлары финалга чыкты.

Җиңүчеләр грамоталар белән бүләкләнде. Котлыйбыз!!!

Гимназия күләмендә үткәрелгән  “Хорлар ярышы” бәйгесендә 1-11 нче сыйныф укучылары катнашты. Укучылар төрле темага җырлар сайлаган. Бәйгенең беренче көне 3 нче апрельдә 5-7 нче сыйныфлар арасында үтте. 5 нче а сыйныфы “Иң яхшы җырчы хор” (абсолют җиңүче), 5 нче б сыйныфы “Милли үсентеләр”, 6 нчы а сыйныфы “Өметле киләчәк”, 7 нче а сыйныфы “Иң яхшы сольный номер”, 7 нче б сыйныфы “Иң дус җырчы коллектив” номинацияләрендә җиңү яулады.

4 нче апрель көнне бәйге 1-4 нче һәм 8-11 нче сыйныфлар арасында узды. Барлык башлангыч сыйныф укучыларына да “Өметле киләчәк” номинациясе бирелде.

Югары сыйныфлар арасында 8 нче сыйныф III нче урын,  11 нче а сыйныфы II нче урын, 9 нчы б сыйныфы I нче урын яулады.

Җиңүчеләр грамоталар белән бүләкләнде. Котлыйбыз!!!