15 нче сентябрь көнне 5 нче сыйныф укучылары Татарстан Варислары Берлегенә кабул ителде. Муса Җәлил исемендәге дружина сборында отрядлар рапорт бирделәр, ел дәвамында башкарылган эшләргә кыскача анализ ясалды. Бәйрәмнең икенче өлешендә 5 нче сыйныф укучылары җырлар башкарды, шигырьләр сөйләде, варисларның законнарын искә төшерделәр, тантаналы рәвештә  галстуклар тагылды. Соңыннан педагог- оештыручы А.М. Гарипова  тарафыннан  тышта күңелле хәрәкәтле уеннар уздырылды. Әлеге чара ватанпәрвәрлек хисләрен үстерү, бердәмлекне булдыру максатыннан оештырылды.

"Игътибар, балалар!" айлыгы кысаларында 1 сыйныфта "Юлда йөрсәң бул уяу!" темасына сыйныф сәгате узды.Укучылыр юлны  кайдан аркылы чыгарга яраклыгы, юлның кайсы ягыннан йөрү кирәклеге белән таныштылар. Аннары алган белемнәрне практикада ныгыту өчен урамга-юл билгеләре  куелган урынга чыктылар. Аларга юлны аркылы чыкканда "Җәяүлеләр чыгу урыны" дигән   юл билге  куелган урыннан гына чыгарга кирәклеге аңлатылды. Бу җирдән үзләре дә чыгып карадылар. 


-- 
Рита Файзрахманова

В благотворительной акции "Добрый Ютазинец" все классы приняли активное участие. В пункт  по сбору вещей поступили от учащихсяся школы различные канцтовары (тетради, ручки, книги, карандаши и т.д.). Спасибо всем классам!

Каразирек мәктәбенең волонтёрлар отряды  әгъзалары "Добрый ютазинец" акциясендә актив катнашып, ярдәмгә мохтаҗ укучылар  өчен уку-язу әсбаплары җыюны оештырды. Бу изге эшкә һәркем үзеннән өлеш кертергә тырышты. Кылган яхшылыкларыннан укучылар канәгать калды.   

                                                               Гүзәлия Котдусова

Г. Вильданов исемендәге Каразирек урта мәктәбе. 9 нчы сентябрь көнне 5 нче сыйныфта ата- аналар җыелышы узды. Класс җитәкчесе Гарәфиева Ф.Р  яңа уку елына кабинетны ремонтлауда катнашкан өчен барлык ата-аналарга рәхмәт җиткерде. Җыелышта “Сәламәт яшәү рәвеше нәрсә ул? “ темасына чыгыш ясалды, дәресләргә әзерлек, күчеш чорында балага укуында ярдәм итү, кайнар аш белән тәэмин итү, юл йөрү кагыйдәләрен үтәү, ярминкә оештыру мәсьәләләре каралды.

Класс җитәкчесе Гарәфиева Ф.Р.

9 сентября было проведено родительское собрание, где выступила фельдшер ФАП Нуруллина Альфира Муслимовна с докладом о вакцинации против гриппа. Она рассказала о симптомах проявления гриппа и как защитить себя от его осложнений.

"Игътибар- балалар!" профилактик чаралар кысасында Каразирек мәктәбендә шактый мероприятияләр узды. 8 нче сентябрь көнне  3 нче класс укучылары  "Велосипедта йөргәндә  куркынычсызлык кагыйдәләре"  дигән чарада катнашты. Чараның максаты - велосипедта йөрү кагыйдәләрен искә төшерү һәм ныгыту, юлда балалар травматизмын кисәтү иде. Укучылар шушы темага видеороликлар карадылар, үзләре дә бу кагыйдәләрне искә төшерделәр.Велосипедта йөргәндә кайсы юл билгеләренә игътибар итәргә икәнлеген  дә укучылар кабатладылар. Чара бик җанлы һәм файдалы үтте.(Класс җитәкчесе   Касимова  Л.К.)

Юл хәрәкәте иминлеген тәэмин итү, балалар катнашында килеп чыгучы бәхетсезлек очракларын кисәтү максатында 21 августтан 15 сентябрьгә кадәр районда "Игътибар – балалар!" акциясе узачак. Шушы акция кысаларында, бүген 4 нче сыйныф укучылары өчен “ Юлда булсаң бул өлгер” дип исемләнгән чара уздырылды.

Бүген, 7 сентябрь көнне, Каразирек мәктәбенең 4 нче сыйныф укучылары авыл китапханәсе белән берлектә, Осетия Республикасының Беслан шәһәрендә террор актында һәлак булучыларга багышланган митингта катнаштылар. Китапханәче Флүзә Карипова укучыларга терроризм турында мәгълүмат бирде, презентация күрсәтелде .Һәлак булганнарны бер минут тынлык белән искә алдылар.

Авыл клубының китапханәсендә “Террорчылык һәм Экстремизм – дөньяга куркыныч” исемле информацион күргәзмә оештырылды.