Бакчабызда гөрләп Яңа ел бәйрәмнәре узды. Балалар Кыш Бабай  һәм Кар Кызы белән күңел ачтылар, кыш турында шигырьләр  сөйләделәр, әкият геройлары белән бергә җырладылар, биеделәр, күңелле уеннарда катнаштылар. Барысы да Яңа ел бүләкләре һәм искиткеч бәйрәм кәефе алды!

"Яңа ел могҗизасы" исемле кул эшләре конкурсы бара. Әти-әниләр, балалар безнең бик талантлы: нинди матур кул эшләре белән бакчабызны күмделәр.

Тормышының 40 елдан артык вакытын балалар тәрбияләүгә сарыф иткән тәрбиячебез Нигматуллина Рания Салимовнаны зур юбилее белән котлыйбыз! Һөнәри осталыгыгыз, күңел сафлыгыгыз, сабырлыгыгыз, балаларга күрсәткән кайгыртучан һәм җылы мөгамәләгез өчен бик зур рәхмәт сезгә! Киләчәктә дә зур уңышлар, мәңге сүнмәс иҗат, балалар мәхәббәте юлдаш булсын!

12 декабрьдә илебез үзенчәлекле бәйрәм – Конституция көнен билгеләп үтә. Мәктәпкәчә яшьтән үк без балаларны Конституциянең төп нигезләмәләре белән таныштырабыз, шөгыльләрдә һәм уен эшчәнлегендә Ватанга, дәүләт символларына карата мәхәббәт, хөрмәт һәм горурлык тәрбиялибез.

Россия Федерациясе Конституциясе көне кысаларында безнең балалар бакчасында тематик шөгыльләр үткәрелде: Конституциянең төшенчәсе белән таныштырдык, бу илнең гражданнарның барлык хокуклары һәм бурычлары тасвирланган иң төп законы. Аны ил Президенты да, өлкәннәр дә, балалар да үтәргә тиеш. Ә без барыбыз да дөньядагы иң зур, иң көчле һәм кыю ил гражданнары - без рәсәйлеләр.

Безнең өчен Рәсәй иле — ул Безнең Ватаныбыз, ата-бабаларыбызның Ватаны һәм без аларны искә алабыз.Үткәрелгән чаралар барышында балалар Рәсәйнең үз флагы,гимны һәм гербы барлыгын, дәүләтебезнең башында Президент торуын белделәр һәм белемнәрен ныгыттылар.

Музыка җитәкчебез Лилия Вагизовнаны районкүләм узган "Иң яхшы мастер-класс" методик конкурсында икенче урын алуы белән котлыйбыз!!!

Әниләр көненә багышлап социаль челтәребездә флешмоб үтә. "Әнием һәм мин" дип аталган фото һәм видеоларгызны җибәрә аласыз.

Бакчабызда "Рәсәй - минем туган илем" исемле рәсем күргәзмәсе үтте. Күргәзмәдә катнашучылар грамоталар белән бүләкләнделәр. Актив балалар һәм актив әни-әниләр булуы бик куандыра.

Бүген бакчабыздә сәнгати-эстетик үсеш буенча тәрбиячеләр өчен методик берләшмә утырышы узды. Утырыш проект технологияләренә багышланды. Тәҗрибә уртаклашу кысаларында яңа педагогик технологияләр һәм методлар күрсәтелде, мастер-класслар оештырылды.

Шәхси гигиена атналыгы уртанчылар төркеме өчен бик кызыклы узды. Микроблар турында күп мәгълүмат белделәр. Кадерле табибыбез Люция Камилевна һәм тәрбияче Әлфия Альбертовна зарарлы һәм файдалы микроблар белән якыннан таныштырдылар. Соңыннан балалар бу организмнарны әвәләп ясап та карадылар. Зурлар төркемендә шәфкать туташыбыз Айгөл Талгатовна прививкаларның файдасы турында сөйләп китте.

Бүген бакчабызга Эколяталар - Умница һәм Елочка килде. Алар белән бергә Песнәк көнен үткәрдек. Спорт уеннары, ярышлар белән күңел ачтык. Соңыннан җимлекләр элдек.