Кояшлы ил – безнең ил,

 Күге аның гел аяз.

Кыш китерсә Кыш бабай,

Чәчәк алып килә яз.

Кечкенәләр катнаш төркеме балалары “Минем шәһәрем, минем Ватаным” атналыгында Татарстан Республикасының гимнын тыңладылар, Республиканың картасын күзәттеләр,   башкалабыз Казан шәһәре турында презентация карадылар. Башкалабызның истәлекле урыннары, елгалары  белән таныштылар. Татар халкының милли бизәкләрен өйрәнүне дәвам иттеләр.

2017 нче ел Татарстанда экология елы итеп игълан ителгәнлектән, балалар бакчасында балаларны тере һәм тере булмаган табигать күренешләре белән таныштыруга басым ясала. Балалар табигать белән саф һавада, табигать почмагында, белем бирү эшчәнлеге вакытында танышалар.Зурлар катнаш төркем балалары белән кисеп ябыштыру эшчәнлегендә “Аквариумдагы балыклар” ны ясау белән шөгыльләндек. Балалар бирелгән өлгеләрдән аквариум кистеләр, буягычлар итеп чыгарылган төрле балыкларны буяп кисеп, аквариумга урнаштырдылар. Һәм логик фикерләрен ныгыту исәбеннән, балаларга аквариумны тулыландырырга тәкъдим ителде. Алар төрле суүсемнәр һәм ташчыклар кисеп ябыштырдылар.

Театр түгәрәгенә йөрүче балалар белән бергә Абдулла Алишның “Чукмар белән Тукмар” әкиятен сәхнәләштердек. Әкиятне башка төркем балалары да бик кызыксынып карадылар. Ул балаларны дус-тату яшәргә, бер-береңә карата дуслык мөнәсәбәтләрен сакларга өйрәтә. Әкияттә песи ролен Хамидуллина Алинә, Чукмар – Гатиятов Әмир, Тукмар – Асылгариев Булат, әби ролен –Мифтахова Рүзинә уйнадылар.

Әткәм кебек тырыш көз.
Әнкәм кебек юмарт көз.
Көзләр юмарт булганга,
Бик бәхетле, бик шат без.

31 нче октябрь көнне уртанчылар төркеме белән көз бәйрәмен үткәреп, “Көздә кунакта” булып кайттык.

   Бакчабыз эшчәнлегендә безнең әти-әниләр бик актив  актив катнашалар.  Уртанчылар төркеме әти-әниләре папье- маше технологиясе кулланып татар кызы белән рус кызын ясадылар. Бу балаларга  бик әйбәт күрсәтмә материал  булып тора.  Әти – әниләргә бик зур рәхмәтебезне белдерәбез. Һәрвакыт шулай тыгыз мөнәсәббәттә, бер-беребезне  аңлап эшләргә язсын.

Зурлар катнаш төркеме балалары режим вакытында  "Изучаем русский язык" УМК асыннан бармак уеннарын уйнап алган белемнәрен ныгыталар.

В режимных моментах мы с детьми старшей разновозрастной группы в игровой форме закрепляем пройденный материал, который они изучили по УМК "Изучаем русский язык"

Раз, два, три, четыре, пять,
Будем листья собирать.
Листья березы, листья рябины,
Листики тополя, листья осины,
Листики дуба мы соберем,
Маме осенний букет отнесем.

Ни арада җәй үтте,
Матур көз килеп җитте
Шатлык тулы бу бәйрәмне
Балалар күптән көтте.
27 октябрь көнне кечкенәләр катнаш төркемендә “Балалар көзне ничек коткарганнар” дип аталган көз бәйрәме булып узды.

Көзге табигать белән кем генә сокланмый икән дә, аның мул уңышларына кем генә сөенми икән. 27 октярь көнне зурлар катнаш төркеме  балалары "Көздә кунакта" күңел ачу кичәсе уздырды.

Зурлар катнаш төркеме балалары тәрбияче Мифтахова Алсу Әдехәм кызы белән режим вакытында бармак уены ясадылар

Дети из старшей разновозрастной группы сделали пальчиковую игру

Шул уңайдан һәм шулай ук балаларда пешекче хезмәтенә ихтирам тәрбияләү максатыннан уртанчылар катнаш төркеме балалары тәрбияче апалары белән ашау пешерү блогының салкын цехына экскурсиягә керделәр. Иң элек пешекче апаларын котладылар, аңа тәмле ашлар пешергәне өчен үзләренең рәхмәтләрен әйттеләр. Аннары пешекче апалары аларга туклану режимы , һәр төр ашка туры килүче ризыклар, аларның сәламәтлеккә тәэсире турында сөйләде.