8 декабрь көнне “Без - коррупциягә каршы” темасына консультация ясалды һәм күчмә папка куелды.

“9 декабрь –коррупциягә халыкара каршы көрәш көн”енә багышланган атналыкта уртанчылар, зурлар, мәктәпкә әзерлек төркем балалары  коррупцияне тормыш шартларында таный белергә, коррупция китергән зыянга үз фикереңне белдерә белергә өйрәнделәр.

Әниләргә карата кадер-хөрмәт, яратухисләре  тәрбияләү, әниләрнең газиз, кадерле кеше булуларын, аларның һәркем өчен бер генә булуын төшендерү йөзеннән беренче кечкенәләр төркемендә  21 нче ноябрь көнне “Әнием-күз нурым “ дигән бәйрәм кичәсе булып узды. Бәйрәмдә балалар тәрбияче һәм килгән кунаклар (Шукбай, Акбай, Матрешка) белән берлектә: “Без яулыклар юабыз”,”Кашыклар бииләр” җырлы-биюләр башкардылар. Бәйрәмгә килгән кунаклар әниләр турында матур шигырьләрен сөйләделәр.

Әни- бөек исем, нәрсә җитә әни булырга.... Әни кеше бала өчен үрнәк тә, таяныч та, укытучы, табиб та... менә бездә - уртанчылар катнаш төркемендә- 27 ноябрь көнне Әниләр көне уңаенан бергә күнелле физик ял сәгате уздырдык. Әниләр белән берлектә балалар белемнәрен, җитезлекләрен, фикер йөртү сәлатен, игътибарлыкларын үстереп рәхәтләнеп ял иттеләр. Балалар бердәм команда булу, ярдәм итү кебек хисләрне бик мөһим икәнен аңладылар.

Мәктәпкә әзерлек төркем балалары әниләренә "Әниләр көне" уңаеннан күңелле, эчтәлекле, уен-көлкеле кичә әзерләп 27 ноябрь көнне шул бәйрәмне күрсәтте. Әниләрнең белемнәрен табышмаклар, әкият геройлары хисабыннан "тикшереп" җитезлекләрен үстереп, үз шөгыльләре белән куандырып балалар әниләрне ял иттерде. Шигъри юллар, татар һәм рус телендә җырлар әниләргә бик ошады, ә бергә уйнау икеләтә кәефне күтәрде.

 Уртанчылар катнаш төркем балалары тәрбиче Мифтахова Алсу Әдхәм кызы белән белән балалар бакчасы урнашкан урамга сәяхәт ясадылар. Сәяхәт дәвамында балалар  транспорт төрләре турында белемнәрен,  юл йөрү кагыйдаләрен ныгыттылар.

Кадерле әниләрне

Яратабыз, тыңлыйбыз.

Исәнлек һәм саулык теләп

Бәйрәм белән котлыйбыз .

Син әнием, минем өчен

Бу дөньяда бер генә

Елмайганда йөзләреңнән

Бар өйгә нур бөркелә .

Көннәр якты булсын өчен әни кирәк.

Ашлар тәмле булсын өчен әни кирәк.

Дөнья ямьле булсын өчен әни кирәк!

Гөлләр чәчәк атсын өчен әни кирәк.

Иң кадерле кеше җирдә -Әни, димәк!

 Казан курчак театрының "Аю балаларының маҗаралары"спектаклен карап,  балаларыбызга экологик белемнәрен ныгыттылар.

Посмотрев кукольный театр "Приключение медвежат" дети закрепили экологические знания.

12 нче ноябрь - песнәкләр көне уңаеннан уртанчылар, зурлар, мәктәпкә әзерлек төркеме балалары белән "кошларга ярдәм кулы сузыйк" дигән акция астында җимлекләр элдек. Режим вакытында кошлар турында видеоязмалар каралып, шигырьләр, табышмаклар укыдык, саф һавада “Кошлар һәм читлек”, “Чыпчыклар һәм мәче” хәрәкәтле уеннары уйналды. Көн ахырында оригами кулланып песнәк ясадык.

Синичкин день очень заинтересовал детей средней, старшей, подготовительных групп. В этот день воспитатели беседовали о зимующих птицах, о роли человека в жизни зимующих птиц, наблюдали за синицами на улице. Вместе с детьми рассматривали иллюстрации, слайды с зимующими птицами, читали стихи, рассказы, загадывали загадки, на прогулке играли в игры . Сделали подарки для птиц - повесили кормушки на участке и будем подкармливать их на протяжении долгой зимы. В завершении дня сделали синицу в технике оригами.