Муниципальное бюджетное дошкольное образовательное учреждение «Мало Рясинский детский сад "Дуслык" Высокогорского муниципального района РТ" / "Татарстан Республикасы Биектау муниципаль районының "Кече Рәс"Дуслык" балалар бакчасы " мәктәпкәчә белем бирү муниципаль бюджет учреждениесе.
Визитная карточка
| Адрес: | 422729, Республика Татарстан, Высокогорский район, дер. Малый Рясь, ул. Г.Камала, д 12 а |
| Телефон: | +7(843)-656-18-83 |
| E-Mail: | ds.duslik@tatar.ru |
| Министерство: | Министерство образования и науки Республики Татарстан |
| Короткое название: | МБДОУ "Мало Рясинский детский сад "Дуслык" |
| Руководитель: | Зарипова Гузель Мидхатовна |
| Год основания учреждения: | 2012 |
| У нас учатся: | 11 воспитанник |
| У нас учат: | 1 воспитатель |
-
"Туган телем - ана теле" 20.02.2026
21 нче февраль – Халыкара туган тел көнен билгеләп үтү уңаеннан безнең “Дуслык” балалар бакчасында “Туган телем – ана теле”дип исемләнгән чара узды. Мәктәпкә әзерлек һәм зурлар төркеменә йөрүче балалар татарча матур итеп шигырьләр сөйләделәр, җырлар җырладылар. Халык авыз иҗаты әсәрләрен (табышмак,тизәйткечләр ,мәкальләр)белүдә көч сынаштылар. Бәйрәмнең төп максаты - Халыкара туган телләр көне турында мәгълүмат алу гына түгел, ә балаларны төрле милләтләр белән тыныштыру, аларның күп төрлелегенә игътибар бирү, телләрне кече вакыттан үк өйрәнүгә кызыксыну уяту. Күпмилләтле Республикабызда туган телебезгә ихтирам, мәхәббәт хисе аша һәр халыкның теленә талерантлык хисе тәрбияләү. Балалар халык аваз иҗаты, мәкаль-әйтемнәр, халык уеннары, җырлар аша туган телебезнең бай, матур, җырлы-моңлы булуын күрсәттеләр. Татар халык мәкале: “Туган телне кадерләгән халык кадерле булыр”, – ди. Туган телләребезне саклыйк, яклыйк, чөнки милләтнең яшәешендә туган тел иң мөһим урыннарның берсен алып тора.
-
Муса Җәлил шигырьләрен татар телендә иң яхшы сөйләүче бәйгесендә катнашып мактаулы исем алдык. 17.02.2026
Биектау районы "Сандугач" балалар бакчасында Муса Җәлилнең тууына 120 ел уңаеннан " Муса Җәлил шигырьләрен татар телендә иң яхшы сөйләүче бала" районкүләм бәйгесе узды. Әлеге бәйгедә мәктәпкә әзерлек төркеменә йөрүче Закирова Айгизә Рәмис кызы “Күршеләр ” шигырен сөйләп чыгыш ясады һәм Җиңүче дипломына лаек булды. Айгизәне чын күңелдән котлыйбыз , алга таба да зур иҗади уңышлар телибез.
-
Әлифба бәйрәмендә кунакта. 16.02.2026
Мәктәпкә әзерлек төркеме балалары белән Суыксу төп гомуми белем мәктәбендә “Әлифба бәйрәмендә “ кунакта булып кайттык.
Беренче кыңгырау, беренче дәрес, беренче укытучы, беренче китап... Сабый чакта күңелгә уелып калган иң кадерле истәлекләр алар.
1 нче сыйныф укучыларын мәктәп дигән белем йортындагы беренче җиңүләре - Әлифбаны өйрәнүне тәмамлаулары белән чын күңелдән котлыйбыз.
Хәрефләр белән танышу, алардан иҗекләр, сүзләр төзү җиңел булмады. Әмма сез тырышып белем алдыгыз: укырга, язарга өйрәндегез. Әлифба сезне дус, тату булырга, укучылар өчен кагыйдәләрне үтәргә өйрәтте.
Бик күңелле кичә булды. 1нче сыйныф укучылары бар яктан да үзләренең осталыкларын күрсәттеләр.белем алу өлкәсендә үзара көч сынаштылар.
Бәйрәмнең икенче өлеше чәй табыны артында узды.
Бу күркәм бәйрәмгә безне чакыруыгыз очен Кече Рәс “Дуслык “ балалар бакчасы коллективы Сезгә олы рәхмәтен белдерә .
