Татар теле һәм әдәбияты атналыгы кысаларында  чаралар дәвам итә. “Биектау йолдызлары” дип аталган чираттагы чарада районыбызда туып-үскән күренекле шәхесләребез турында белгәннәрне тулыландырдык. Х.Вахит, Л.Сабирова, Ф.Гарипова, М.Мәхмүдов, Р.Корбан, С.Шәмси,  З.Хөснияр, А.Гыймадиевларның тормышлары һәм иҗатларына күзәтү ясалды.

Бүген мәктәптә шимбә өмәсе  үткәрдек. Укучылар һәм укытучылар мәктәпнең әйләнә-тирәсен чистарттылар, тырмаладылар, чүпләрне җыеп түктеләр. Мәктәбебез матурланып, читарып калды.

Бөек Җиңүнең 70 еллыгына багышланган чаралар дәвам итә. 6 нчы сыйныф укучылары  Р.Сәгъдинең “Сынган беләзек” әсәрен сәхнәләштерделәр. Сыйныф җитәкчеләре Зарипова Г.М. һәм укучыларга зур уңышлар телибез.

Безнең укучыларыбыз “Безопасное колесо” ярышында катнашып 5 нче урын яуладылар һәм кыйммәтле призлар белән, грамота белән бүләкләнделәр.

  Бүген мәктәбебездә Татарстан Республикасының халык артисты Наилә Гәрәева белән очрашу булды. Очрашуда районыбыз мәктәпләреннән татар теле һәм әдәбияты укытучылары  да катнашты. Наилә Гәрәева әсәрләрдән өзекләр укыды, театр сәнгате үсеше белән таныштырды, сорауларга җавап бирде. Очрашудан алган рухи җылылык күңелләребездә әле озак сакланыр.

Мәдәният һәм сәнгать университеты студенткасы, безнең укучыбыз Чулпан Мортазина 8-10 нчы сыйныф укучылары белән диплом спектакле хәзерләде. Яшь артистлар тамашачыларга Антуан де Сент-Экзюпериның “Нәни принц” әсәрен тәкъдим иттеләр. Уңышлы премьера белән котлыйбыз!

    Татар теле һәм әдәбияты атналыгының икенче көнендә үткәрелгән “Күчтәнәч” тапшыруы яңа форматта үтте. Тапшыруның алып баручылары Ләйсән апа һәм Йомшаккай белән Акбай янына кунакка бөтенроссия “Илһам” яшь язучылар конкурсы дипломантлары - рус теле һәм әдәбияты укытучысы Фирая Муллахмәт кызы, 10 нчы сыйныф укучылары Флүзә һәм Гөлнара чакырылган иде. Алар үзләре язган шигырьләрне сөйләделәр. “Күчтәнәч” тапшыруы күчтәнәчкә татарча мультфильм тәкъдим итте. Бик күңелле  булды.

  Бүген мәктәптә татар теле һәм әдәбияты атналыгы башланып китте. Атналык ачылышында башлангыч сыйныф укучылары шигырьләр сөйләделәр, 11 нче сыйныф укучылары “Яшьләр тукталышы” проектын тәкъдим иттеләр. Проект  “Мин татарча сөйләшәм!” темасына багышланды. Укучыларның һәм укытучыларның чыгышлары тыңланды.

    Үзенең 80 яшьлек бәйрәмен  зур үзгәрешләре, төзелешләре, яңа проектлары белән каршылый районыбыз. Соңгы елларда матурлыгы, чисталыгы, төзеклеге белән һәркемне сокландыра ул. Киләчәктә дә Биектау гөрләсен, чәчәк атсын өчен, без, район кешеләре, үзебезнең бөтен көчебезне куеп, хезмәт итәрбез. Татарстанга гына түгел, илгә, дөньяга танылган шәхесләр биргән төбәгебезнең даны мәңгелек булсын!

     Бәйрәм белән, райондашлар!

  Учащиеся нашей школы участвовали на Международной научной конференции студентов, аспирантов и учащейся молодёжи, посвящённой 85 летию зоотехнического образования в Казанской государственной академии ветеринарной медицины имени Н.Э.Баумана.