Бөек җиңүгә 69 ел узды, тагын бик күп дистә еллар үтәр, буын арты буын алмашыныр, ләкин Бөек Җиңү һәм шушы Җиңүне яулаган какшамас фронт һәм тыл каһарманнарының якты истәлеге халык күңелендә мәңге яшәр. 

1.       Кадет сыйныфы укучылары Биектауда узган Бөек Җиңүнең 69 еллыгына багышланган Парадта катнаштылар. Алар Билгесез солдат һәйкәле янында сакта тордылар, венок куйдылар.

28 нче апрель көнне “Тамчы – шоу” тапшыруында катнашкан укучылар һәм мәктәп коллективы укытучылары Галиаскәр Камал исемендәге театрга  шагыйрь Роберт Миңнуллинның иҗат кичәсендә бардылар. 

Мәмдәл урта гомуми белем бирү мәктәбе командасы 21 нче апрель көнне ТНВ каналында күрсәтелә торган “Тамчы-шоу” интеллектуаль уенында катнашты, ул Чирмешән районы Лашман мәктәбе командасы белән көч сынашты. Безнең мәктәп данын 8 нче сыйныф укучылары Галиева Дилбәр, Гарипов Илгиз, Гимадиева Илүзә яклады. Ике мәктәп командасы да җиңүчеләр булып кайттылар. Алар катнашкан “Тамчы-шоу” ТНВ каналында күрсәтеләчәк. Котлыйбыз!!!

Мәктәптә Балалар китабы атналыгы узды.  Атналыкны китапханә мөдире Валиева Наилә Абдулхай кызы эчтәлекле һәм кызыклы итеп үткәрде.

Бүген мәктәптә 2-11 нче сыйныф укучылары белән "108 минут космоста" АКЦИЯсе уздырылды. Акция линейка белән башланып китте. Һәрбер сыйныфта сыйныф сәгатьләре, ә соңыннан "Без космоска очарга әзербез" конкурсы үткәрелде. Укучылар бик теләп космоска очу өчен ракетасын да ясадылар, ракетаның йөк күтәрүчәнлеген дә тикшерделәр. Билгеле, алар әле космонавт түгел, әмма үзләренең белемнәре белән алар галәм киңлекләренең нинди киң, могҗизалы, әле ачылып бетмәгән якларын күрсәттеләр. Укучыларыбызның киләчәктә үзләренең корабларын бары изгелек планеталарына гына юнәлтүләрен теләп калабыз.

7.04-12.04.2014 мәктәптә 9 нчы сыйныф укучылары өчен сынау имтиханнары уздырылды. Имтихан үткәргәндә ата-аналар, укытучылар күзәтчелек итте.