Бөек Җиңүнең  70 еллыгына багышлап Мәмдәл урта мәктәбе коллективы Юртыш халкы алдында “Җиңү язы” дип аталган концерт  программасы белән чыгыш ясады.

  Татар теле һәм әдәбияты укытучысы Л.И.Җамалиева атналык кысаларында чираттагы чараны  үткәрде. “Озын толым” бәйгесендә мәктәбебездә белем алган озын толымлы кызлар көч сынашты. Кызларның барысына да грамоталар һәм истәлекле бүләкләр тапшырылды. Чара бик күңелле үтте.

   Бүген мәктәптә Бөек Җиңүнең 70 еллыгы уңаеннан “Җиңү язы” дип аталган шигырь конкурс булды. Конкурста 1-11 нче сыйныф укучылары катнашты.

    Татар теле һәм әдәбияты атналыгы кысаларында  чаралар дәвам итә. “Биектау йолдызлары” дип аталган чираттагы чарада районыбызда туып-үскән күренекле шәхесләребез турында белгәннәрне тулыландырдык. Х.Вахит, Л.Сабирова, Ф.Гарипова, М.Мәхмүдов, Р.Корбан, С.Шәмси,  З.Хөснияр, А.Гыймадиевларның тормышлары һәм иҗатларына күзәтү ясалды.

Бүген мәктәптә шимбә өмәсе  үткәрдек. Укучылар һәм укытучылар мәктәпнең әйләнә-тирәсен чистарттылар, тырмаладылар, чүпләрне җыеп түктеләр. Мәктәбебез матурланып, читарып калды.

Бөек Җиңүнең 70 еллыгына багышланган чаралар дәвам итә. 6 нчы сыйныф укучылары  Р.Сәгъдинең “Сынган беләзек” әсәрен сәхнәләштерделәр. Сыйныф җитәкчеләре Зарипова Г.М. һәм укучыларга зур уңышлар телибез.

Безнең укучыларыбыз “Безопасное колесо” ярышында катнашып 5 нче урын яуладылар һәм кыйммәтле призлар белән, грамота белән бүләкләнделәр.

  Бүген мәктәбебездә Татарстан Республикасының халык артисты Наилә Гәрәева белән очрашу булды. Очрашуда районыбыз мәктәпләреннән татар теле һәм әдәбияты укытучылары  да катнашты. Наилә Гәрәева әсәрләрдән өзекләр укыды, театр сәнгате үсеше белән таныштырды, сорауларга җавап бирде. Очрашудан алган рухи җылылык күңелләребездә әле озак сакланыр.

Мәдәният һәм сәнгать университеты студенткасы, безнең укучыбыз Чулпан Мортазина 8-10 нчы сыйныф укучылары белән диплом спектакле хәзерләде. Яшь артистлар тамашачыларга Антуан де Сент-Экзюпериның “Нәни принц” әсәрен тәкъдим иттеләр. Уңышлы премьера белән котлыйбыз!

    Татар теле һәм әдәбияты атналыгының икенче көнендә үткәрелгән “Күчтәнәч” тапшыруы яңа форматта үтте. Тапшыруның алып баручылары Ләйсән апа һәм Йомшаккай белән Акбай янына кунакка бөтенроссия “Илһам” яшь язучылар конкурсы дипломантлары - рус теле һәм әдәбияты укытучысы Фирая Муллахмәт кызы, 10 нчы сыйныф укучылары Флүзә һәм Гөлнара чакырылган иде. Алар үзләре язган шигырьләрне сөйләделәр. “Күчтәнәч” тапшыруы күчтәнәчкә татарча мультфильм тәкъдим итте. Бик күңелле  булды.