Тәрәзә төбендә үстерелгән  үсентеләрне парникка күчерү эшләре гөрләп бара. Мәктәп кирәк кешеләргә яшелчә, чәчәк үсентеләре сата башлады инде.

Яшелчә,чәчәк утырту өчен башта түтәлләр казырга кирәк. Укучыларыбыз бу эшнең никадәр әһәмиятле икәнен аңлыйлар, бик тырышып эшлиләр.

Бүген Биектауда 1 май- ял һәм хезмәт бәйрәменә багышланган эстафета булып узды.  Безнең мәктәп командасы 3 нче урынны яулады. МОЛОДЦЫ! КОТЛЫЙБЫЗ! Спорт ярышларында яңа үрләр яулагыз! 

Башлангыч сыйныф укучылары һәм укытучылары зур тырышлык белән мәктәп алдын җыештырдылар.

Өмәдә барлык укучылар да тырышып эшләде. 5-6 сыйныф укучылары мәктәп коймасының тышкы ягын кипкән яфраклардан, улән калдыкларыннан чистарттылар.

8 сыйныф укучылары чиялекне  корыган яфрак, чыбык-чабыклардан арындырды.

Мәктәптә укучылар саны аз булуга карамастан, шимбә өмәсендә барлык укучылар, укытучылар, хезмәткәрләр бик тырышып эшләп,  мәктәп ишек алдын, капка төбен, яшелчә-агач бакчаларын чистартып бетерергә өлгердек.

Авылыбызның уртасында челтерәп агучы, авыл халкын йомшак тәмле суы белән туендыручы "Калимә" чишмәсенең тирәлеген чүп-чардан  арындырдык. 

Карлыган бик витаминлы , файдалы җиләк-җимеш. Шуңа күрә ,укытучылар коллективы мәктәп бакчасына яңа карлыган куаклары утырттылар.

И туган тел, и матур тел, әткәм-әнкәмнең теле!
Дөньяда күп нәрсә белдем син туган тел аркылы.
Иң элек бу тел белән әнкәм бишектә көйләгән,
Аннары төннәр буе әбкәм хикәят сөйләгән.