Башлангыч сыныф укучылары ел дәвамында төрле мәдәни  учакларда, музейларда, истәлекле урыннарда, театр, кино, концертларда  булганда үзләре белән "Мәдәни көндәлек" ләрен алап барырга тиешләр. Барган җирләрендә көндәлеккә беркетмә язылырга тиеш.Шул рәвешле укучылар мәдәният белән якыннанрак таныша алалар.

Мәктәптә уку елын башлап җибәрү буенча ата-аналар җыелышы булды. Җыелышта , шулай ук Олы Кавал фельдшер окушерлык  хезмәткәре Шәйхетдинова Миләүшә дә катнашты.

Кыш көнендә ашар өчен бәрәңгене безнең мәктәп басу участогында үстерепде. Эшкәртүдә кул хезмәте кулланылмаса да,  уңышны җыйган вакытта һәр укучы үзенең өлешен кертте. Коры көндә чәчми-түкми бәрәңге уңышын җыеп алдык.

Безнең мәктәптә белем бәйрәме бик күңелле үтте. 9 нчы сыйныф укучылары,сыйныф җитәкчеләре Хәсәнова Илсия Илдус кызы җитәкчелегендә бик матур бәйрәм программасы әзерләгәннәр. . 

Район җитәкчелеге исеменнән мәктәп коллективын белем бәйрәме, яңа уку елы башлану белән котлар өчен  районның социаль яклау бүлеге җитәкчесе Рания Һади кызы килде. Ул , безнең мәктәп  төп мәктәпләр арасында икенче урын яулаган өчен 3 меңлек сертификат тапшырды.

Бүген безнең мәктәпкә ТНВ каналыннан оператор белән хәбәрче Ләйсән Сабирова килде. Алар кечкенә авыл мәктәбендә белем бәйрәменең ничек үтүе турында тапшыру әзерләргә килгәннәр. Тапшыруны  18.30,19.30,20.30 сәгатьләрдә ТНВ каналыннан татар һәм рус телләрендәге Хәбәрләр тапшыруында күрсәттеләр.

Безнең мәктәп бакчасында үстерелгән чәчәкләрдән төзелгән композиөия бүгенге пленар утырышка килгән кунакларнын  күз явын алырлык булган. Укытучылар  һәм укучылар тырышлыгы белән мәктәп әйләнә- тирәсе дә шушылай былкып тора.

Уку елы дәвамында укучыларның укуы, олимпиадаларда, спорт ярышларында катнашу һәм  башка күп төрле күрсәткечләр буенча төп мәктәпләр арасында үткәрелгән бәйгедә безнең мәктәп 2 нче урынны яулады. Мәктәп коллективының киләсе уку елында тагын да югарырак күрсәткечләргә ирешүләрен теләп калабыз!

Укытучыларның август киңәшмәләрен йомгаклап бүген район мәдәният йортында пленар утырыш булды. Монда район башлыгы Калимуллин Рөстәм Галиулла улы да катнашты. Район башлыгы безнең мәктәпнең математика һәм физика укытучысы Хәсәнова Гүзәл Ирек кызына мактау грамотасы тапшырды.