Гимназиябез Россиянең «Белем» җәмгыяте оештырган,   Татарстан Республикасына  багышланган "Татарстанны беләм" мәгърифәтчелек акциясендә катнашты. Укытучылар һәм укучылар берлегендә Татарстан Республикасының ирешкән уңышлары,  казанышлары, фән һәм яңа технологияләр өлкәсендәге яңалыклар, тарихи һәм мәдәни мирасны кадерләп саклау һәм үстерү турында кызыклы сөйләшү булды. Укучылар Татарстан Республикасының  территориясе, анда яшәүче милләтләр, республиканың төп сәнәгать тармаклары, авыл хуҗалыгы үзенчәлекләре, Татарстан кабул иткән дөньякүләм дәрәҗәдәге вакыйгалар, туризм һәм мәдәни мирас турында да күп мәгълүмат алдылар.