Химия- биология атналыгы үзенең соңгы соңгы ноктасына җитте. Бүген атналыкны тәмамлап, 8- 11 нче класс укучылары ике командага бүленеп, КВН уздырдылар. Бәйге "Реторта" командасының җиңүе белән тәмамланды, ә "Катион" командасы үзенең көндәшеннән азга гына калышты. Атналык бик күңелле үтте, химия-биология укытучысы Әлфия Вәдүтовнага зур рәхмәт.

Химия- биология атналыгы үз эшен дәвам итә. Укучылар үзләренең фантазияләрен эшкә җигеп, "Яшь химик" стена газеталары чыгарып элделәр.

Әлфия Вәдүтовна уздырган чараларны карап, үзебез дә химиклар булып бетәбез инде. Ул үткәргән һәр чара кызыклы, мавыктыргыч . Бүлмә гөлләре "химиягә" каршы.Сабын. Химия һәм косметика. Бүгенге тамаша карап утыручылар өчен бик кызыклы һәм кирәкле булды.

Бүген район кино челтәренннән килеп "Сталинград" киносын күрсәтеп киттеләр. Шундый эчтәлекле кино күрсәткәннәре өчен бик зур рәхмәт әйтәсебез килә.

"Здоровый ребенок- в здоровой семье" исеме астында мәктәбебездә сәламәтлек дәресләре узды. Һәрбер класста класс сәгатьләре, төрле чаралар үткәрелде. Волейбол, чаңгы ярышлары, "Күңелле старт" уеннары уздырылды.

Безнең мәктәптә химия- биология атналыгы үз эшен дәвам итә. Бүген Әлфия Вәдүтовна югары класс укучылары белән химия фәненнән аукцион уздырды. Укучылар бик теләп катнашты, Соңыннан җиңүчеләр билгеләнде, призлар тапшырылды.

Хуҗалыкларда 5- 6 ай урак өсте булса, мәктәптә урак өсте ел буена сузыла. Безнең укытучыларыбыз бик тырышлар. Ай саен мәктәбебездә атналыклар үтә. Бу атнада химия- биология атналыгы. Укытучы Әлфия Вәдүтовна үз эшенең остасы. Һәрбер көне үткәрәсе чараларга бүленгән. Бүген югары класс укучылары галим булып, үзләренең ачышлары турында чыгыш ясадылар.

7 нче февраль көнне мәктәптә ярминкә үтте. Ярминкә бик җанлы булды, анда бик күп тәмле ризыклар, тегелгән - чигелгән әйберләр, кулдан ясалган көндәлек җиһазлар бар иде. Сатуга куелган барлык әйбер сатылып бетте.

Район буенча авыл җирлекләрендә 2013 ел өчен отчет җыелышлары уза. Аның чираттагысы 7 нче февраль көнне Саклау- Баш авыл җирлегендә булды. Мәктәп укучылары һәм укытучылары ярдәмендә кул эшләре күргәзмәсе һәм ярминкә оештырылды.

Безнең Саклау- Баш урта мәктәбе укучылары уздырылган ярышларда, конкурсларда бик теләп катнашалар. 6 нчы февраль Мөслимдә талантлы балаларның " Йолдызлык- 2014" район фестивалендә вокал- соло номинациясендә III дәрәҗә лауреат исеме яулаганы өчен 3 нче класс укучысы Габдуллина Динә Ильшатовна диплом белән бүләкләнде.