Кул эшенең кызыклы, башкаларга охшамаган, үзенчәлекле булуы балаларның иҗади сәләтләрен үстерүдә җитди нәтиҗәләр ирешергә ярдәм итә.
     Табигый материаллар - үзеннән – үзе фантазия тудыру өчен, зур байлыкларның берсе. Аларга оста куллар, берләштереп, җан өреп икенче тормыш бирә.
     Илексаз мәктәбенең 2 нче сыйныф укучысы Зиатдинов Айназның эше шундыйлардан. Укытучысы - Әһелтдинова Наилә Виловна. Габдулла Тукай иҗаты буенча иҗади эш башкаручы укучы “Су анасы” әсәрен сайлаган

"Экологик дәрес" алдыннан укучыларга укытучылары Нәбиуллина Гөлфирә Минемхәмәт кызы тарафыннан "Калдык материаллардан нәрсәләр эшләп була" дигән сорау куелган иде. Тирә - ягыбызны җыештырганда очраган беркулланылыштагы стаканнарга чәчәкләр утыртылды. Пластик шешәләрдән, тартмалардан, такта кисәкләреннән кошларга җимлекләр ясадылар. Кул эшләре башкардылар. Апельсин, банан, йомырка кабыкларыннан рассадага файдалы ашлама сибеп булганлыгы белән таныштылар. Укучылар үзләренә бик күп кирәкле мәгълүматлар алдылар.

19.04.2017 көнне Мухлисуллина Алиннаның туган көнен котларга клоун килде.Бик күңелле булды.

Укучылар рус теленнән ВПР эшләделәр

17 апрельдән25 апрельгә кадәр Илексаз мәктәбендә “Мәрхәмәтлелек атнасы” акциясе оештырылды. Беренче көн "Яныбызда ветеран яши" исеме астында узды. укучылар ветераннарыбыз һәм тыл хэзмәткәрләре янында булдылар. Көчләреннән килгәнчә ярдәм оештырдылар. Шул ук вакытта мәктәп хәбәрчеләре ветераннар турында мәгълүмат тупладылар. Өлкәннәрнең тормыш юлы һәм язмышлары турында ишеттеләр, фотолар карадылар. Авылның бердәнбер ветераны Әхмәтҗәнов Шәриҗан абый очрашуга килә алмады. Аның янына да үзебез бардык.

Мондый очрашулар өлкәннәребезнең дә, укучыларның да күңелләрендә матур эз калдырды. Укучыларыбыз мархәмәтлелек акциясе кысаларында тимурчылык хәрәкәтен тагын да дәвам итәргә булдылар.

Игелеклелек кылып кемнедер шатландыруың белән үзең дә сөенечле хисләр кичерәсең, күңел канәгатьләнүе дә аласың. Мондый чаралар олыларга ихтирам хисен арттыра, ярдәмчел булырга, бердәмлеккә өйрәтә, күмәк эшкә өнди.

Илексаз мәктәбендә 17 нче апрельдән "Мин татарча сөйләшәм" акциясе башланып китте. Шул уңайдан, бик чаралар планлаштырылды. Шуларның беренчесе "Хәрефләр бәйрәме". Ул 17 се көнне үтте. Укучылар татар теле турында бик күп шигырьләр сөйләделәр, җырлар җырладылар. Алфавиттагы һәр хәрефкә багышланган табышмаклар чиштеләр. Бәйрәмне башлангыч сыйныф укытучылары Латыпова Саимә Фаяз кызы һәм Әһелтдинова Наилә Вил кызы әзерләделәр. Бәйрәм бик күңелле үтте.

Космонавтика көне 

Биология атналыгы