Юл йөрү кагыйдәләре буенча безнең бакчада бик күп чаралар уздырыла. Шулар арасыннан "Тылсымлы патшалыкка сәяхәт" дигән чара иң уңышлы һәм күркәм булды. Аны мәктәпкә әзерлек төркеме тәрбиячеләре Гайсина В.А., Миннуллина Р.К. һәм музыка җитәкчесе Фаттахова Г.Ф. оештырдылар. Чарада Шапокляк ролен бик оста итеп Арефьева Р.Х. башкарды. Ачык чара бик матур һәм күркәм булды. Анда балалар юлдагы билгеләрнең ни өчен кирәклеген тагын бер ныгыттылар, бер-берсенә төрле киңәшләр бирделәр." Юл йөрү кагыйдәләрен онытмагыз!" - диеп,  ДАИ хезмәткәре Алсу Разиновна, балаларга рәхмәт әйтеп, бүләкләр тапшырды.

Мәктәпкә әзерлек төркемендә җыелыш булып узды. Анда мәктәптән директор, завуч һәм укытучылар булдылар. 1 сыйныфта укыганда балалар нәрсә белергә тиеш, нинди күнегүләр эшләп кул мускулатурасын  ныгытырга  кирәклеген аңлаттылар. 8 февральдан балаларны мәктәпкә керер өчен шөгыльләнергә чакырдылар. Мәктәп белән балалар бакчасы тыгыз элемтәдә эшлиләр, шунлыктан безнең бачада тәрбиячеләр  балалар белән  бик күп шөгыльләнәләр: рәсем ясыйлар, оригами, констукцияләү, аппликация дәресләре алып баралар. Ә мәктәпкә керә торган төркемдә грамотага өйрәтү дәресе дә үткәрелә, анда авазлар өстендә, дәфтәрләр белән  эш алып барыла. Балалар рус телен, математиканы да үзләштерәләр .Бердәм аралашып эшләгәндә генә балаларыбыз сынатмаслар дип ышанып калабыз

Ел саен балалар бакчаларында өлкән тәрбиячеләр җыелышып төрле өлкәләрдә белемнәре белән уртаклашалар. Быел безнең бакчада әти-әниләр белән эшне ничек оештырып алып бару турында сүз барды

Безнең бакчада тәҗрибә уртаклашу ул гадәти хәл. Яңа гына Флюза Рифовнаның рус теленнән ачык дәресен карадык. Уртанчылар төркеме балалары ел башыннан гына рус телен өйрәнсәләр  дә   белемнәре югары дәрәҗәдә.Бу тәрбияченең осталыгы, балаларга белемне дөрес итеп җиткерүен тәсвирлый.Киләчәктә дә уңышлар телибез.

Резеда Раифовна!!!

55 яшь гомер чиге түгел,

Әле алда - таңнар, офыклар;

Алда көтә әле зур планнар. 

Үстерәсе нәни оныклар.

Таң нурлары булып йортыгызга

Ак бәхетләр генә сибелсен.

Түп - түгәрәк булсын тормышыгыз,

Юлларыгыз гөлгә күмелсен.

Яңа елны каршылыйбыз

Шатлыклы җырлар белән

Матур булып балкып торган

Якты йолдызлар белән

Әйдә, Яңа ел

Шатлык белән кил

Сине каршылый

Бөтен Туган ил

Бүген безгә тагын бер кат

Чыршы бәйрәме килде

Һәрбер күңел бу бәйрәмне

Үзенчә сагынып көтте

Календарьда соңгы битне

Бүген ертып алабыз

Үткән елга алмаш булган

Елны көтеп калабыз

Рәхмәт, сиңа да иске ел

Матур ел булдың бит син

Синнән алган бәхет- шатлык

Гөмер буена җитсен!

Бүген бездә зур бәйрәм

Бүген Яңа ел килә

Бүген күңелләр җырга

һәм биергә җилкенә

Нинди гаҗәп

Һәр кешегә бәйрәм бүген

Бар да матур киенгән

Яңа Елда җирне бизәп,

Гүя энҗе сибелгән

Монда бит урман сафлыгы

Ылыс исе түз генә

Купшы чыршыбыз яныннан

Китәм димә тиз генә

Бүген бездә зур бәйрәм

Бүген Яңа ел килә

Бүген күңелләр җырга

Һәм биергә җилкенә

Ап-ак  мамык карлар ява

Акка төреп дөньяны

Бүген безне үз янына

Яшел чыршы җыйнады

Урманнан безгә бәйрәмгә

Ямь-яшел чыршы килгән

Яңа елны каршыларга

Матур күлмәген кигән