Зурлар төркеме балалары  традицион булмаган рәсемләү алымнары кулланып көзге табигатьне ясадылар. 

   Балалар бакчасының зурлар һәм мәктәпкә әзерлек төркеме балалары район мәдәният йортына бардылыр. Зәй шәһәренең Саяр театр студиясы Ф.Яруллының "Ак яфрак" әкиятен күрсәтте. Балалар  әкиятне бик кызыксынып карадылар. 

   Мәктәпкә әзерлек төркемендә «Алма бакчасында» дип исемләнгән бәйрәм иртәсе  узды. Балалар  Алма бабай бакчасында кунак булдылар. Бакчада Сөмбеләне очратып, аның белән уеннар уйнадылар, җырладылар, биеделәр.

Уртанчылар төркемендә Көз бәйрәме узды. 

 Балалар бакчасында Әлмәт шәһәренең "Алина" курчак театры балаларга  "Кызыл калфак" әкиятен күрсәтте. 

    Икенче кечкенәләр төркемендә Көз бәйрәме  узды.  Балалар бәйрәм иртәсендә көзге табигать, яшелчәләр, җиләк-җимешләр турында ятлаган шигырьләрен сөйләделәр, көз  турында җырлар башкардылар. Кунак булып Кояш һәм Яңгыр килделәр. Алар  балаларга үзләренең көзге күчтәнәчләрен алып килделәр.  Балалар белән бергә уйнадылар, җырладылар. Балаларга чиләккә яшелчәләр җыеп уйнавы бигрәк  тә ошады.    

Җәлил бистәсендә узган  авыл хуҗалыгы ярминкәсендә   Сарман балалар бакчалары да катнашты. 

  Район үзәгенең “Ләйсән” балалар бакчасында “Хәвефсез хәрәкәт” дигән бәйге үткәрелде. Бәйгедә районның “Ләйсән”, “Кояшкай”, “Лилия” һәм “Сандугач” балалар бакчаларында тәрбияләнүче балалардан торган яшь юл хәрәкәте инспекторлары командалары катнашты. Балалар күп төрле бәйгеләрдә белемнәрен сынадылар, юл хәрәкәте кагыйдәләрен, юл билгеләрен һәм башкаларны ничек белүләрен күрсәттеләр. Безнең  балалар бакчасының “Зебра” командасы 3нче урынга лаек булды. Балаларга грамота һәм бүләкләр тапшырылды.

Өлкәннәрне хөрмәтләп!

Сарманда    авыл  хуҗалыгы  ярминкәсе  узды.  Безнең  балалар  бакчасы да ярминкәдә бик теләп катнашты.