Мәктәпкә әзерлек төркеме балаларының бакча белән саубуллашыр көннәре якынлаша.Алар шөгыльләрдә дә бик активлаштылар, җитдиләнеберәк тә киттеләр.Мәктәп-гимназиягә  экскурсиягә барып уку класслары,мәктәп белән танышып  та кайттылар.Укытучылар белән тагын бер кат очрашып кызыксындырган сорауларын бирделәр.Ә кайткач кичерешләрен, бик тырышып , рәсемгә төшерделәр.

Балалар бакчасында "Кышкы могҗизалар"дип аталган кичә үткәрелде.Беренче өлешендә балаларның гаиләләре белән берлектә ясаган кул эшләре тәкъдим ителде.Кышкы темага кагылышлы һәр кулланманы балалар югары бәя биреп алкышладылар.Ә инде икенче өлешендә  музыка мәктәбендә җыр-бию,фортепьяно  классларында  белем алучы  кызлар чыгышы булды. Рәисә Ибрагимовна җитәкчелегендә  оештырылган бу тамаша нәниләргә бик ошады.

Бәйрәм иртәләре бик күңелле үтте.Балалар Кыш бабаларына һөнәрләрен күрсәттеләр.Бер ел эчендә бик үскән икәнлекләрен  раслап,җыр-биюләр белән бәйрәм иттеләр.

Төркемнәрдә Яңа елга әзерлек гөрли.Матур  итеп бизәлгән бүлмәләрдә балаларны әкият персонажлары каршылый.Ул чыршыларның ниндиләре генә юк! Ялтыравыклысы да,йомшагы да,һәрберсе үзенчәлекле , матур! Әти-әниләре белән балалар үзләре ясаган шул аларны!

Балалар бакчасының хөрмәтле тәрбиячесе Ләйлә Галимҗан кызы Галиеваның бүген юбилее!

Тәбриклибез Сезне чын йөрәктән!

Сәламәтлек теләп иң элек,

Һәрбер  көнегез  үтсен бәхет белән,

 Яшәгез  шатлыкка төренеп!

Ут-дус,ут-дошман, дигән темага мәктәпкә әзерлек төркеме балалары белән эшлекле уен үткәрелде.Тәрбияче Ф.Ф.Гилязова янгын куркынычсызлыгы турында презентация аша балаларга саклык чаралары турында сөйләде."Дөреслә" уенында балаларның белемнәре ныгытылды.Кунак булып кергән зурлар төркеме балалары да  "Кошкин дом"әкиятендә ясалган хаталарны табарга булыштылар.Тәрбияче балаларны Яңа ел бәйрәмнәре вакытында  шартлаткычлардан сак булырга  кирәклеген искәртте.

Зурлар төркемендә "Урамда сак бул!"дигән ачык шөгыль үтте.Бу чарада балаларның юл кагыйдәләрен белүләре ныгытылды.у Кунакка районыбызның Юл иминлеге бүлегеннән Ситдикова А.Р. килде.Балалар белән әңгәмә үткәреп ,аларга юлларда  саклык чараларын үтәүнең әһәмиятен аңлатты.Юл кагыйдәләрен өйрәнү өчен бик   файдалы өстәл  уеннары,китаплар  өләште.

Сарман районы китапханәсенең тиздән зур юбилее! Шул уңайдан  "Кояшкай"лылар  бүләк эзерләде.

Әй,китап дус,синең йортың

Үзенә тартып торсын!

Монда килгән һәр укучы

Синең данны арттырсын! 

Ана яши җирдә бала өчен,

Гомер буе булып терәге.

Аккан суга,янган утка керә,

Бала өчен тибә йөрәге.

Безнең балалар да ,әниләрен зурлап, бәйрәм ясадылар.Әниләр көне уңаеннан өйрәнгән иң матур җыр-биюләрен,изге теләкләре белән бергә әниләренә бүләк иттеләр.

Тәрбияче А.Н.Билалованың эшен бәяләү өчен экспертлар килде. Ул эшчәнлегенең төрле юнәлешләрен күрсәтте.Үткәрелгән ачык шөгылен экспертлар югары бәяләде.