Уңган син, татар кызы!

Булган син, татар улы!

Әнә шундый канатлы сүзләр белән башланып китте 4 класста кызлар һәм егетләр арасындагы бәйге. Әлеге бәйгедә “Кызлар-йолдызлар” һәм “Татар егетләре” командасы үзара көч сынашты. Иң кызыгы шунда – кызлар егетләрне “кызлар”, ә егетләр кызларны “егетләр”буларак сынады.

Кызлар кадак кагып, футбол уенында осталыкларын күрсәтсә, егетләр каблукта матур итеп йөреп тә күрсәтте, кызларны тәмле салат ясап та сыйлады.

Һәр команда көндәш команданың эшеннән канәгать икәнен күрсәтеп, аларны югары баллар белән бәяләде, өстәмә приз белән дә күңелләрен күтәреп җибәрде. Әлеге бәйгедә укучылар “Егет кешегә җитмеш төрле һөнәр дә аз”, “Һөнәрле үлмәс, һөнәрсез көн күрмәс” мәкальләренең асылына да төшенделәр.

Туган телләр һәм халыклар бердәмлеге елы уңаеннан мәктәбебездә "Тел күрке-сүз" дип исемләнгән акция үтте. Әлеге акциянең шарты, мәктәпкә килгән һәр кеше- укучы, укытучы, хезмәткәрберәр мәкаль әйтеп керергә тиешләр.   Мәкаль - сөйләшкәндә сүзгә ямь һәм куәт бирү өчен, көнкүрештә күп сыналган дәлил яки шигъри бер мисал урынында әйтеп йөртелә торган, кыска, ләкин гомуми бер, тирән мәгънәне эченә алган төгәл җөмләле халык хикмәте әсәре. 

Туган телләр һәм халыклар бердәмлеге елы уңаеннан, укучыларда өстәмә белем алуга кызыксыну һәм омтылыш тәрбияләү, уен аша баланың белем сәләтен үстерү, белем дәрәҗәләрен күтәрү, белем һәм күнекмәләрне тикшерүнең көн тәлапләренә туры килерлек яңа формаларын куллануны тормышка ашыру максатыннан мәктәбебездә "Башлангычлар илендә" дип исемләнгән стенд әзерләнде. Стендка укучылар өчен төрле кызыклы башваткычлар, ребуслар куелган иде.  

4 марта комиссия родительского контроля за качеством питания провела мониторинг качества организации питания. Было выявлено, что утвержденное меню, санитарно - техническое состояние обеденного зала, состояние столовой посуды, условия соблюдения правил личной гигиены обучающимися соответствует требованиям. По результатам опроса детей, ассортимент и качество потребляемых блюд удовлетворяет учащихся.

1986 елдан башлап ел саен, 3 мартта дөньяның күп кенә илләрендә, шул исәптән Россиядә Бөтендөнья язучылар көне билгеләп үтелә. Аның икенче исеме-Бөтендөнья язучы өчен дөнья көне, ә төп максаты-сүз ирегенә һәм язучы һөнәренә басым ясарга ярамауга игътибар итү.Китапханәче Гөлнар Магсумовна балаларны Балалар язучыларының китаплары, әсәрләре белән таныштырды. 

Бүген мәктәбебездә Туган телләр һәм халыклар бердәмлеге елы уңаеннан "Мин яратам сине, Туган ягым!" дип исемләнгән җырлар конкурсы үтте. Конкурста укучылар туган якка, Ватанга багышланган җырлар башкардылар. 

Татар кызы , татар уллары без,

Саклыйк, яклыйк туган илебезне.

Без, көч биреп яшәтергә тиеш

Җандай газиз туган илебезне.

Туган телләр һәм халыклар бердәмлеге елы уңаеннан мәктәбебездә "Татар егете-2021" бәйгесе булып үтте. Укучылар үзләренең сәхнә , аш-суга булган осталыкларын күрсәттеләр, кызыклы сорауларга җавап бирделәр. 

Укучыларда татар халкының милли ризыкларына карата хөрмәт, кызыксыну тәрбияләү максатынна, 3 нче сыйныф укучылары белән "Милли ризыклар" темасына җыен үткәрелде. Әлеге җыенда укучылар өчпочмак ясау серләренә өйрәнделәр.  

21 нче февраль көнне мәктәбебез укучылары (җит.Имамиев И.И.) Әлмәт шәһәрендә үткән су модельләре ярышында катнашып, матур нәтиҗәләр белән кайттылар. 

Загриев Солтан-2 урын, 3 урын

Ибрагимов Ильшат-3 урын

Шайхуллин Ильфар - 1 урын, 2 урын

Мәктәп командасы - 2 урын!!!!!

И туган тел, и матур тел
Әткәм әнкәмнең теле                                                                         
Дөньяда күп нәрсә белдем                                                                                 
Син туган тел аркылы.

 Телебезнең  матурлыгын тоярга өйрәтү, горурлану хисе уяту максатыннан, мәктәбебездә"Җырдай моңлы татар теле" дип исемләнгән чара үтте.