Әфганстаннан Совет гаскәрләре чыгарылуга 30 ел булу уңаеннан, Саба аграр көллиятендә уздырылган шахмат ярышында Шекше төп мәктәбе укучылары да катнашты. 9 сыйныф укучылары Фаваризова Рәлинә -1 урын, Галимов Динар- 3 урын, тренерлары Гарипова А.Р. -1 урынга лаек булдылар. Алга таба бу укучылар район данын яклап, республикада үтәчәк шахмат ярышларында да катнашачак. Котлыйбыз һәм уңышлар телибез!

15 февраль -патриот шагыйрь М.Җәлилнең туган көне. Шул уңайдан мәктәбебездә башлангыч класс укучылары белән "Кызыл ромашка чуклары" дигән кичә, 5 нче класс укучылары белән "Җәлил һәм җәлилчеләр" дигән тематик кичә, 7 класста "Батыр даны үлми" дигән шигъри мизгелләр, 8-9 класслар өчен "Моабит дәфтәрләре" тарихы дигән класс сәгате үткәрелде.

15 февраль-Совет гаскәрләрен Әфганстаннан чыгарган көн. Шул уңайдан Явлаштау авыл җирлегендә Явлаштау, Тимершык, Шыңар урта мәктәпләре командалары көч сынашты. Безнең Шекше төп мәктәбе 2 нче урынга лаек булды. Котлыйбыз егетләр!

Шекше төп мәктәбе укучылары,  "Әфганчылар көне" уңаеннан, Явлаштау урта мәктәбе оештырган хоккей ярышында 2 нче урынны яулады. Молодцы егетләр!

Бүген Балалар иҗат үзәгендә күренекле татар язучысы, галим-фольклорист Нәкый Исәнбәтнең тууына 120 ел уңаеннан "Дулкыннар-2019" республика бәйгесенең район этабы үтте. Шекше төп мәктәбе укучылары  рәсем номинациясендә 3 сыйныф укучысы Зәйнәгыева Азалия-1 урын (җитәкчесе Гыйбадуллина Р.Х.), 2 сыйныф укучысы Махмудов Йосыф- 3 урын (җитәкчесе Зиннатова Э.Ш.), нәфис сүз номинациясендә үзе язган шигыре белән 5 нче сыйныф укучысы Мирзегәләмова Ания -3 урын (җитәкчесе Мирзегалямова Г.Б.) алдылар. Котлыйбыз сезне! 

Бүген патриотик-тәрбия айлыгы кысаларында, егетләр үз бозыбызда хоккей ярышы оештырды. Уенда 2 команда катнашты. "Лачын" уенчылары җиңү яулады.

Шекше төп мәктәбендә "Яшь дизайнер" түгәрәге эшләп килә. Кызларыбыз бу түгәрәккә теләп йөриләр, төрле кул эшләренә өйрәнәләр. Җитәкчеләре Гарипова А.Р. кызларны яңа эш төрләре белән кызыксындыра.

Шекше төп мәктәбендә, 3-4 сыйныф укучылары, герой-шагыйрь Муса Җәлилне искә алу максатыннан, "Кызыл ромашка чуклары" темасына сыйныф сәгате үткәрде.

Әфганстан җиреннән Совет гаскәрләре чыгуга 30 ел булу  уңаеннан, Шекше төп мәктәбе укучыларына видеороликлар күрсәтелә.

Бүген мәктәбебез егетләре үзләрен турникта тартылу ярышында сынап карады. Иң яхшы нәтиҗә 9нчы сыйныф укучысы Хөсәенов Ризатта.