30 ноябрь - 4 декабрь көннәрендә, еллык планга нигезләнеп, зурлар төркемендә тематик күзәтү оештырылды. Атна дәвамында төркемдә бердәм эшчәнлекләр, режим вакытлары күзәтелде. 

Балалар бик теләп урамга, саф һавага чыгалар. Кар әвәлиләр, төрле хәрәкәтле уеннар уйнап  чыныгалар. Максат: кышкы табигать турында күзаллауларын киңәйтү, сөйләмдә сыйфатларны дөрес кулланып тулы җөмлә белән җавап бирү, әвәләү ысулы ярдәмендә ярдәмчел булу. 

“Кыш килде”

Урманнарга, бакчаларга,

Урман, кырлар өстенә

Ак мамыктай күбәләк кар

Төшә дә, төшә генә.

Урамга чыктык шаулашып,

Йортлардан чана тартып;

Уйныйбыз учта йомарлап,

Юеш кар тубы атып.

Галимҗан Латыйп 

Фотода беренче кечкенәләр төркеме саф һавада. Тәрбиячеләре Хуснуллина Миләүшә Адгамовна

Бүген, уртанчылар-зурлар төркеме тәрбиячесе Айгөл Гыйлфановна балалар белән,  кар бөртекләре турында күзаллауларын формалаштыру, табигать матурлыгына соклана белү хисләре тәрбияләү, балаларның конструкцияләү буенча эшчәнлекләрен үстерү, иң гади билгеләр-символлар кулланып, кар бөртегенең үзлекләрен әйтергә өйрәтү максатыннан,  төп белем бирү өлкәсе -танып белүдә күләмле генә иҗади эш башкардылар. Балалар карточкалар (символлар), кар яву күренеше сурәтләнгән иллюстрация карап,  кар шыгырдавын аудио язмада тыңлап; кар бөртеге, канатлары, ак, зәңгәр, йомшак, салкын, эри, шыгырдый   кебек сүзлек  өстендә эш алып барганнан соң кар бөртеген ясадылар. Рәсемдә күренгәнчә, балаларның иҗаты бик матур һәм күләмле чыкты. Әфәрин сезгә балалар!

Кыш җитте, бар дөньяны ап-ак итеп карлар яуды, кармы кар без өлкәннәр шулай дип кенә карыйбыз, ә менә яңа гына аякка басып дөньяга чыккан сабыйлар алай дип кенә карый белмиләр. Алар өчен бу ак дөнья яңа бер ачыш һәм яңалык булып тоела. Балаларны өйрәтү өлкәсендә яңа төр методлар кулланып эшләү мәктәпкәчә яшьтәге баланың дөнья белән кызыксынуын , хисләнүчән сизгерлеген арттыра,бигрәк тә бу төр эшчәнлек балаларның шәхесен ,иҗади мөмкинлекләрен һәм танып-белүен үстерүгә юнәлтелгән.

Бүген, безнең зуралар төркеме балалары  "кар бабайлар парады" оештырдылар.Тәрбиячеләре Низамиева Рәзилә Вазиховна.

Йомшак кары, саф, чиста һавасы белән кышның беренче ае башланып китте. Атнабыз темасы да шушы ак ефәктәй кышка багышлана.Бердәм эшчәнлекләрдә, режим вакытларында балалар бик теләп кар бөртекләрен күзәтәләр, аларны ясыйлар, гомумән кышның символларын төрлечә өйрәнәләр. Атна дәвамында бакчабызда балалар белән төрле уеннар уйнату, күзәтүләрдә әйләнә-тирә белән кызыксыну; күзәтү;тәҗрибәләр үткәрүдә катнашу, чагыштырып карау, танып-белү; монологик һәм диологик сөйләмне үстерү, су һәм кар турында шигырьләр өйрәнү, рәсемнәр ясау планлаштырыла.

Бүген әниләребезне икенче һәм зурлар төркеме балалары тәбрикләде. Җырлар, биюләр, күңелле уеннар белән үрелеп барды бәйрәм. Балалар әниләр бәйрәменә музыка җитәкчесе Мәдинә Шәүкатовна һәм тәрбияче апалары белән әниләргә багышлап инглиз телендә  "HELLO" җырын, шигырьләр, бубеннар белән биюләр өйрәнделәр. Әниләребез дә бәйрәмдә катнаштылар,алар төрле сынауларны үтеп, тагын бер кат бик тырыш әниләр икәннәрен далилләделәр.

Бакчабызның түрендә әниләрнең җылы куллары белән эшләнгән төрле-төрле, берсеннән берсе зәвыклы, кызыклы эшләнмәләр күргәзмәсе оештырылды. Әниләребез бик уңган безнең, барлык фантазияләрен кулланып, актив рәвештә әберләрне алып килделәр. Без әниләрнең шулай тырышлык һәм теләк белән бу күргәзмәдә катнашуларына сокланабыз һәм олы рәхмәтләребезне җиткерәбез! Барлык әниләргә дә иң бәхетле АНА булырга язсын!

Әниләр бәйрәменә концерт номерлары әзерләүдән тыш, балаларыбыз тырышып бүләкләр дә ясадылар. Һәр төркем нинди дә булса кызыклы открытка эшләде. Ә без исә, бүләкләрне әниләребез ошатып, сабыйларының кул эшләреннән куанып горурланганнардыр дигән теләктә калабыз.