"Икмәк- яшәү терәге" атнасында йомгаклау чарасына тозлы камырдан ризыклар күргәзмәсе үткәрдек. Әти- әниләр балалар белән бергәләп бик тырышканнар, өстәлдә нинди генә ризыклар юк иде.Әлбәттә табын түрендә күпереп пешкән күмәч урын алды. Балаларга иң ошаганы ахырдан  шул күмәч белән сыйлану булды. 

Балалар белән әкияттәге тылсымлы кошны ясадык. Сихри кошны бизәү аларга бик ошады. Әкиятне сөйли-сөйли эшләделәр.

"Агач утырт" акциясе кысаларында бакчабызга декоратив һәм җимеш агачлары утырттык.

Саф һавага чыккач, миләш агачын күзәттек. Көз көне миләш уңыш биргән вакытта бигрәк матур була. Аның җимешләренең файдасы турында балаларга аңлаттык.

Бүген "Кросс нации-2021" көне билгеләп үтелде. Балаларны яшьләренә карап, төркемнәргә бүлеп ярыштырдык. Бер бала да бүләксез калмады.

Татарстан-күпмилләтле республика, Казан - республиканың һәм бөтендөнья татарларының башкаласы икәнен балаларга төшендердек. Туган җиребезнең матурлыгын күрсәттек. Республиканың әләмен һәм туграсын ясадык. 

Бакчабызда ата-аналар җыелышы үткәрелде. Алдагы уку елына куелган бурычлар белән таныштырдык, кызыксындырган сорауларга җавап бирелде.

Бакчабыз чәчәкләргә күмелде!