Бүген безнең бакчабыз да зур бәйрәм -бакча белән хушлашу кичәсе узды.Бакчабыздагы иң  акыллы, тәртипле кызларны мәктәпкә озаттык.Кичә җыр,бию шигырьләр белән үрелеп барды. Шулай ук акыл эшчәнлегенә сораулар бирелде, "Кем тизрәк" уены уйнатылды.Күмәк биюләр әти-әниләр тарафыннан зур алкышларга күмелде.

Әниләребезнең җылы карашлары -балаларга фатиха булды.Яхшы киңәшләре һәрвакыт юлдаш булсын.

Кичәбезнең  икенче өлеше "Сау бул бакча, исәнме мәктәп" дип аталды. Ягымлы карашлы Рафига Рашитовна балаларны  мәктәпкә кабул итеп алды. Мәктәп тормышы  белән таныштырды.

Әйләнә тирәбездәге гүзәллекне күрер өчен, бүген без ерак китмәдек.Үзебезнең бакча тирәли сәяхәт ясадык.Анда үскән агачлар, чәчәкләр белән таныштык.Күбәләкләр очканын күзәттек.Балаларның күзәтүчәнлекләрен арттырдык. Җәйге матур көнгә соклану уятып, бакчабызга карата ярату хисләре тәрбияләдек.

Балаларга бүлмә гөлләренә карап соклану, сакчыл караш , гөлләр өчен кирәкле шартлар турында мәгълүмәт бирү атналыкның төп максаты булып торды.Шулай ук бүлмә гөлләрен үстерүгә кызыксыну уятырга, өлкәннәргә ярдәм итү теләген тудырыга тырыштык. 

Дөньяда, тормышта иң кирәкле әйберләрнең берсе су. Шуңа да бүген авылыбыз чишмәләрен өйрәндек.Туган якка мәхәббәт, чишмәләргә сак караш тәрбияләүне максат итеп куйдык.

Чишмә эзләп киттек тау юлыннан,

Йотылып-йотылып суын эчәрлек.

Бу атна буе язучыларыбызның иҗаты белән таныштык. Әкиятләр, хикәяләр ярдәмендә балаларның сөйләм телен үстердек."Әкиятләр иленә" сәяхәт ясадык.

Бу атнада бакчабызда балалар белән Бөек Ватан сугышы геройлары, тыл батырлары, Хәтер китабы турында әңгәмә алып бардык, презентация карадык. Иҗади сәнгать - кисеп ябыштыру шөгелендә мәңгелек ут  төшерелгән открытка ясадык.

Баларның бакчага ияләнүләре бүгеннән башлады. "Балалар белән бергә уйныйбыз" дигән шөгел безнең кечкенә нәниләребезгә бик ошады.