Саулык - зур байлык икәнен

Без инде белеп алдык.

Сәламәт яшәү рәвешен

Зур максат итеп куйдык.

Бүген бакчабызда гомуми  җыелыш булып узды. Җыелышны башлап зурлар төркеме балалары Н.Дәүлинең "Җырлап узган җәй" әкиятен сәхнәләштереп күрсәттеләр. Әти-әниләр яңа уку елына куелган төп бурычлар белән таныштырылды, борчыган күп кенә сорауларына  җавап бирелде. Җыелышка ГИБДД вәкиле Насыбуллин И.Д. да  чакырылган иде. Ул әти-әниләр белән, видео-фотолар күрсәтеп, балаларга юл йөрү кагыйдәләрен өйрәтү торышы турында әңгәмә оештырды. Балаларга яктылыкны кире кайтара торган браслетлар өләште. 

Җәйнең матур көнендә

Күзәт әле, иренмә —

Көне буе эш кайный

Кырмыскалар илендә.

Ничек төзи белгәннәр:

Өйләре катлы-катлы.

Озын, урау юллардан

Чабалар бер-бер артлы.

Бүген Сабада  мәгариф хезмәткәрләренең август киңәшмәсе узды.  Анда мәгариф өлкәсендә үзләрен аеруча таныткан, озак еллар буе эшләгән хезмәткәрләр сәхнә түренә чакырылып рәхмәт сүзләренә ирештеләр ,бүләкләргә ия булдылар. Алар арасында безнең бакчада күп еллар буе эшләгән тәрбиячебез Мәрдәнова Мөслимә Хәфизовна да бар иде. Без -  аның коллегалары шушы вакыйга белән аны чын ихластан котлыйбыз hәм шатланабыз.

Урман, җир-су hәм hава -

Безнең якын дуслар ул.

Дусны саклап тотсаң гына,

Тормыш рәхәт булыр, мул!

Кешеләр көн дә,  чүп дип, кулланылган пластик савытлар, пакетлар чыгарып түгәләр. Ләбаса алардан күз явын алырлык ясалмалар эшләп була икән бит. Пластик чәчәкләр, пакет уенчыклар, картиналар интерьерны  бизәп  тора алыр иде. Матур да, экономияле дә, табигатебез дә пычранмас иде. 

Балалар төрле-төрле уенчыклар белән уйнарга бик яраталар. Балалар яраткан уенчыкларын рәсемгә дә төшерделәр, пластилиннан да әвәләделәр. Уенчыклар турында шигырьләр тыңладылар. "Курчак белән аю баласы" ("Мишка с куклой бойко топают") биюен өйрәнделәр. Йомшак уенчыклар тотып биеделәр. Уенчыкларны саклап тотарга өйрәнделәр.  

Без уйныйбыз залда,

Ни генә юк анда:

Тун кигән аюлар, 

Кыланчык маймыллар, 

Тиеннәр, керпеләр, 

Куяннар, төлкеләр,

Мөгезле пошилар,

Мыеклы песиләр, 

Әтәчләр, тавыклар,

Кәҗәләр, сарыклар.

Батыр без - курыкмыйбыз

Аюдан, маймылдан: 

Кочаклап алабыз

Маймылның муеныннан.