Безнең балалар бакчасында бөек татар шагыйре Габдулла Тукайның туган көненә багышланган чара узды. Кичә барышында шагыйрьнең тормыш юлы искә төшерелде. Балалар Г. Тукайның “Кәҗә белән сарык”, "Су анасы", "Шүрәле" әкиятен сәхнәләштерделәр. Тукайга багышланган шигырьләр укылды, җырлар җырланды. Бәйрәмгә әкият персонажларының кунакка килүе тагын да ямь өстәде. Тукай китаплары туган якның матурлыгын, игелеген кадерләргә өйрәтә, мәрхәмәтле, гадел һәм кыю булырга өнди.