Көннәр якты булсын өчен,

Бәхет-шатлык артсын өчен,

Әни кирәк, әни кирәк!

Иң кадерле кеше җирдә

Әни, димәк!

Уртанчылар төркемендә  "Минем әни бер генә!" дип исемләнгән әниләр бәйрәме утте. Балалар әниләренә багышлап шигырьләр, җыр-биюләрен бүләк иттеләр.

Балалар пластилинны әвәләп, үзләренең исемнәрен яздылар.Бербөтен кисәк пластилиннан тартып әвәләүне ныгыту, шомарту алымын камилләштерү, предметның өлешләренең зурлылык дөрес бирүләренә ирешүне, исемнәрнең язылышын истә калдыруны максат итеп куелган иде.

Россия флагының өч төсе - Ватаныбызның иң мөһим символларының берсе. Ак төс азатлык һәм мөстәкыйльлек, зәңгәр - ышаныч һәм рухият, кызыл бөеклек һәм көч-куәт дигәнне аңлата. Хәзерге көндә дә әләм илебезнең иксез-чиксез киңлекләрендә яшәүче купмилләтле халкыбызны дәүләтчелегебезне, милли хокукларыбызны яклау һәм буыннар бәйләнешен саклап калу омтылышында берләштерә. Флаг ватандашларыбызның хезмәтен, фәнни ачышларын һәм икътисад, социаль, мәдәният һәм спорт өлкәләрендәге казанышларын бәйли. Балаларыбызда дәүләт флагына ихтирам хисләрен булдырып, без аларда гражданлык хисе, Ватанга мәхәббәт тәрбиялибез. Тынычлыкны һәм иминлекне, төрле милли һәм дини гореф-гадәтләрне саклап калуга һәм үстерергә бердәм ниятебез Россия Федерациясенең көч-куәтен арттыруга этәргеч булып тора.

Бүген, зурлар төркеменә йөрүче балалар, мәктәп китапханәсенә экскурсиягә бардылар. Китап – кешенең хәтере, юлдашы, киңәшчесе, ярдәмчесе, укытучысы. Китапсыз халык - тарихсыз халыкка әйләнгән, ә тарихын оныткан халыкның киләчәге өзелгән.Китапханә ул бик күп мәгълүмат, тарихи ядкарьләр, аң-белем, мәгърифәт тупланган йорт. Үзенә бик күп серләр туплаган китап киштәләре китапханәләрдә генә була. Чөнки меңләгән, миллионлап чыга торган китапларның барысын да шәхси китапханәләргә җыю мөмкин түгел, шуның өчен белемгә омтылган һәр кеше җәмәгать китапханәләренә юнәлә.

Ни арада җәй үтте,

Матур көз килеп җитте.

Шатлык тулы бу бәйрәмне

Балалар күптән көтте.

Җиргә яфрак коелган,

Сап-сары келәм булган.

Яфракларны без җыярбыз,

Букет ясап куярбыз.

Көз көннәре килеп җитте,

Хушлашабыз җәй белән.

Бөтен җиргә яфраклардан

Алтын келәм җәелгән.

Татар хатын – кызларының борынгы күлмәгенә, алъяпкычына төрле бизәкләр чигелгән. Күлмәк итәге һәм җиң очлары берничә рәт бала итәк белән дә тегелгән. Алъяпкычны, күлмәкне бик матур итеп теккәннәр, бизәкләп чиккәннәр.