Балаларда Туган җиребезгә, чишмәләребезгә сак караш тәрбияләү, кешеләр тарафыннан чишмәләрне сакларга кирәклеге турында нәтиҗәләр чыгара белү максатыннан, бүген, 12 нче май көнне балалар белән чишмәләрне күзәттек. Табигать һәм чишмәләр белән турыдан - туры аралашу  су - яшәү чыганагы дигән фикергә яңадан инандык. Әлеге экскурсиядән балалар, чишмәләребезне, елга - сулыкларыбызны һәм гомумән, табигатебезне сакларга, чиста тотарга кирәк  дигән фикергә килеп кайттылар.

  Әти безнең терәгебез,

 Әти безне яклаучы.

 Авырлыклар китермичә

 Даавыллардан саклаучы.

 Яшәсен әти-әниләр,

 Сәламәт һәм шат булып.

 Кызларының, улларының

  Кадерлеләре булып.

  Әтиләрне, бабайларны

 Кадерлибез, зурлыйбыз.

 Чын күңелдән һәммәгезне

 Бәйрәм белән котлыйбыз!

 Уртанчылар төркемендә бүген 23 нче февраль - Ватанны саклаучылар уңаеннан оештырылган бәйрәм кичәсе булды. Бәйрәмгә барлык әтиләр дә, бабайлар килгән иде. Балалар һөнәрләрен күрсәтеп, бүләкләрен тапшырдылар. Бәйрәм бик күңелле узды.