30 нчы март көнне Кукмара муниципаль районы Ядегәр авылында студентлар һәм мәктәп укучылары арасында Габделхак Каюмов исемендәге «Эзләнүләр аша камиллеккә» дип аталган II Республика фәнни-гамәли укулары үтте. Бу укуларда өченче сыйныф укучылары Әхмәтханова Алинә һәм Кашапова Рәлинәләр катнашып, I нче һәм  III нче урыннарны яуладылар. (Укытучылары-Зарипова Р. Ф.) Җиңүчеләрне чын күңелебездән котлыйбыз һәм киләчәктә дә уңышлар телибез. Афәрин!!!

    24 нче март көнне мәктәбебездә традициягә әйләнгән чараларның берсе – «Нәүрүз» бәйрәме үткәрелде. Бәйрәм чарасы бай программа буенча алып барылды. Укучылар башта бирнә, ярма җыйдылар, яз турында җырлар җырладылар, матур биюләр башкардылар, шигырьләр сөйләделәр, күп төрле спорт уеннарында катнаштылар, ә соңыннан, Кыш бабай белән Нәүрүзбикәгә аркан тартышырга ярдәм иттеләр. Кыш җиңелеп, хакимлеген Нәүрүзбикәгә тапшырып, иң изге теләкләрен теләп, саубуллашып китеп барды. Бәйрәмнең икенче өлешендә укучылар, һәр сыйныфның үз көче белән әзерләгән кафеларында, төрледән-төрле тәмле ризыклар белән сыйландылар.

   24 нче март көнне Эзмә авылы спортзалында мәгариф хезмәткәрләре арасында волейбол ярышларының зона этабы үтте. Ярышларда мәктәбебез командасы II урынга лаек булды. Җиңүчеләрне чын күңелдән котлыйбыз һәм алга таба да җиңүләр теләп калабыз. Афәрин! 

   22 нче март көнне район Балалар иҗат үзәгендә "Без бергә" республика фестиваль - конкурсының муниципаль туры үтте. Әлеге конкурста мәктәбебезнең "Грация" бию төркеме (җитәкчесе-Рахимуллина Ч.А.) III не урынга лаек булды. Өстәмә белем бирү педагоглары Рахимуллина Ч.А. һәм Галимҗанов И.Ә. "Остаз" номинациясендә җиңү яуладылар. МолодцыЁ котлыйбыз1

   Гаиләләр арасында үткән спорт ярышларында, Акбировлар гаиләсе уңышлы чыгыш ясады.