Биюче кызларыбыз "Алтын башмак" республика конкурсының район турында катнашып, II урынга лаек булдылар. Котлыйбыз! Җитәкчеләре Чулпан Амировнага һәм кызларга алдагы бәйгеләрдә дә уңышлар телибез.

   Драматург Кәрим Тинчуринның тууына 135 ел һәм Кәрим Тинчурин исемендәге драма һәм комедия театрына 85 ел тулуга багышланган IV республика конкурсында 5 нче сыйныф укучысы Акберова Динара беренче турдан узып, Казанда финал турында катнашты. Динараны һәм җитәкчесе Розалия Фаилевнаны 2 урын алулары белән котлыйбыз һәм киләчәктә дә уңышлар телибез.

   23 нче ноябрь көнне авылыбыз мәдәният йортында укучылар көче белән әзерләнгән "Син әнием, син бит бер генәм!" дип исемләнгән концерт күрсәтелде. Әлеге тамашада бер генә укучы да читтә калмады. Алар шулай үзләренен матур җырлары, дәртле биюләре аша әниләренә булган ихтирамнарын, хөрмәтләрен күрсәттеләр. Афәрин, укучылар!. Бу тамашада чыгыш ясаган барлык укучыларга һәм әзерләгән укытучыларга чын күңелебездән зур рәхмәтебезне белдерәбез!

   В нашей школе прошел Единый урок по безопасности в сети Интернет. В нем приняли участие учащиеся 7-9 классов. Рассматривался целый ряд вопросов: опасности, подстерегающие в социальных сетях, правила общения в сети, угроза заражения вредоносными программами.   Урок провела учитель информатики Яруллина Л.К.

   5 нче сыйныф укучылары Гайфетдинова Диана һәм Мөхлисуллина Камилә, бөек рус язучысы Л.Н.Толстойның 190 еллык юбилеена багышланган әдәби квестта катнашып, уңышлы чыгыш ясадылар.

   Мәктәбебезнең 7-8 нче сыйныф укучылары район күләмендә үткән "Без сайлыйсы юл" дип исемләнгән чарада катнаштылар. Әлеге чара укучыларга һөнәри юнәлеш бирү максатыннан оештырылган иде. Укучылар "Сабагро", "Саба тәрәзәләре", "Лукоз Саба" җәмгыятьләре һәм "Мөхәмәтшин З.З." крестьян-фермер хуҗалыкларында булып, үзләренә күп мәгълүмат туплап кайттылар. Экскурсия укучыларга бик ошады һәм файдалы булды.

   III сыйныф укучысы Шәймуллин Ислам "С чистого листа" республика конкурсында I урын яулап, грамота һәм истәлекле бүләк белән бүләкләнде. (Җитәксесе-Шәймуллина Л.Г.) Сезне чын күңелебездән котлыйбыз һәм киләчәктә дә уңышлар телибез!

   Район буенча уздырылган "Кэс-баскет" уеннарында безнең мәктәпнең кызлар командасы II урынга лаек булды. Кызлар, уңышларыгыз белән чын күңелдән котлыйбыз. Афәрин! (Тренерлары-Фазылов И.И.) 

   Явлаштау урта мәктәбе укытучысы Ярмиева Гүзәл Мәсгутовна "Ел сыйныф җитәкчесе" конкурсының II турында катнашып, уңышлы чыгыш ясады.