Ялыбыз әкренләп тәмамлану ягына бара. Әлеге көнебез дә бик файдалы үтте. Урамда суытып җибәрде. Әмма болытлы күк йөзе дә безнең күңелләрне төшерә алмый. Иртәнге режим буенча зарядка ясагач, биеп алгач күңелләребез күтәрелеп китте. Иртәнге аштан соң Рус теле буенча КВН үткәреп алдык. Аннары авылыбыз музеендагы чәйнекләр һәм аларның кыскача тарихы белән Гәүһәрия апалары таныштырды. Мини футбол уенын да яратып уйнадык. Татар халык уеннары уйнап көнебезне тәмамладык.

Көндәгечә бүгенге көнебез дә күтәренке кәеф белән башланып китте. Режим һәм план буенча барын да эшләргә өлгердек. Иртәнге аштан соң Саба дулкыннары телевидениесе бездә кунакта булды. Безнең тапшыруыбызны 21 июнь көнне карый аласыз. Көнгә йомгак ясаганнан соң өйләребезгә таралдык.

 Исәнме яраткан КОЯШКАЕБЫЗ. Бүген барыбыз да кабаттан очраштык Матур мизгелләр белән көнебезнебашлап та җибәрдек. Рәмзия Камиловна үткәргән "Тамчы ШОУ" уенында "Бәхетле балачак" отряды аз гына өстенлек яулап беренчелеккә чыкты. Минсур Мавлявиевич "Батыр егет – ил күрке" исемле чара үткәрде. Аннары саф һавада рәхәтләнеп уйнадык.Көндезге аштан соң "Пионербол" уены уйнадык. Киләсе көндә очрашуыбызга кадәр хушлашып таралыштык.

Көнебез күңелле генә башланып китте. Урамда чын җәй. Иртәдән үк кыздыра. Иртәнге аштан соң урамдагы мәйданчыкта ике отряд арасында футбол турниры оештырдык. Аннары төрле халык биюләре элементларын өйрәндек. "Җырлыйк әле" уены да барыбызга да ошады. Пешекче апаларыбызның тәмле ашлары белән сыйлангач математика укытучысы Ләйсән Индусовна белән кызыкла уеннар уйнадык. Кызыклы сорауларга җавап бирдек. Уйнап аргач бераз баш эшләтеп алсаң да ярап тора. Кичке линейкадан соң саубуллашып өйләребезгә таралыштык

Словари наши друзья и помощники, потому что в них мы находим ответ, как правильно написать то или иное слово, что оно означает, тем самым развивается кругозор, умение грамотно общаться, грамотно писать, а ведь эти умения- основа нашей жизни. В год педагога и наставника  в школе организована выставка, а также с детьми пришкольного лагеря было организовано мероприятие под названием "Откуда слово школьное пришло?".

Ялыбыз ахырына таба бара. Әле яңа гына килгән идек. 14 көн сизелми дә үтеп киткән. Табигать кочагында булуыбыз сиздерә. Һәрберебез кояшта матурланып, каралып киттек. Бүген дә "Чишмә" операциясе булды. Туган ягыбыз читшмәләренең тирә-юнен чүп үләннәреннән арындырдык. Эшләп аргач тәмле суыннан авыз иттек. Табигатьнең матурлыгын сокланып күзәттек. Бераз уеннар да уйнап алырга өлгердек. Көндезге аштан соң авылыбыз мәчетендә булдык. Догалар укып күп кенә бүләкләр алдык. Көннең матур һәм файдалы үтүеннән барыбыз да канәгать булды.

Көндәгечә шау-гөр килеп "Кояшкай" га җыйналдык. Көн матур. Кәефләр дә яхшы. Иртәнге аштан соң технология укытучыбыз Гөлнирә Галимзяновна белән “Иң матур букет” бәйгесе оештырдык. Үз кулларыбыз белән һәркем могҗиза тудырды.  Аннары саф һавада Күңелле старт уеннары уйнадык. “Әкияттә кунакта” чарасында чын әкият  геройларына әйләндек.  Әкият геройлары турында  кызыклы викторина сорауларына җавап бирдек. Үзебезгә күп мәгълүмат тупладык. Саф һавада уеннар уйнадык. Дару үләннәренең файдасы турында сөйләштек, Киптерү өчен карлыган яфрагы җыйдык.

 Бераз салкынайтып алганнан соң җылы эсселәр сагындырырга да өлгергән. Бүген рәхәт, эссе, җил дә юк, тыныч. Туган ягыбызның болын, урманнарына чыксаң, бөтен дөньяның матурлыгы, гүзәллеге шунда сыеп беткән диеп уйлыйсың. Чыннан да бик матур шул ул безнең туган ягыбыз! Ә дусларың белән бергә булу тагын да ямь өстенә ямь өсти. Бергәләп рәхәтләнеп уйнадык, күңел ачтык, Уйнап аргач чишмәдән су эчтеп, сусавыбызны бастык. Мондый татлы сулы чишмәләр, иркен киң болыннар бары бездә генә. Көндезге аштан соң. Коррупциягә карата “Коррупциягә-ЮК!” исеме астында плакатлар ясадык."Без сәламәт тормыш рәвеше яклы" исеме астында рәсем ясау бәйгесе дә булды. Көнебез сизелми дә үтеп китте.

 Ялыбызның яртысы үтеп тә киткән. Дуслар белән табигать кочагында көннәрнең үткәне сизелми .дә.Бу җәй айлары бигрәкләр матур инде! Кайсы ягын гына алсаң да, мактап бетереп булмас төсле.Табигать җәй аенда керфекләрен ача төсле. Тирә-як ямь-яшел. Кошлар сайравы күңелләрне моңландыра. Хуш исле чәчәкләр күзләрне камаштыра. Бүген дә иртә баштан зарядка ясарга спорт мәйданчыгына чыктык. Иртәнге аштан соң Алмагач бакчасына яшерелгән татлы ризыкларны эзләдек. Шушы хозурлыкны “Ямьле җәй” исемле рәсем ясау бәйгесендә ак битләргә төшердек. Һәркем тырышып ясады. Көндезге аштан соң ял һәм хезмәт лагерена йөрүче укучылар “Квест-уен” үткәрделәр. Иртәгә очрашканчыга кадәр диеп бүгенгә хушлаштык.

Җәйге лагерьда 10 нчы көн. Көнебез күңелле генә башланып китте .Көннәр матур булгач барыбызның да кәефләр күтәренке. Бүгенге көнебез тулысынча 12 июнь - Россия Федерациясенең Дәүләт бәйрәме – Россия көненә багышланды. Көнебез асфальтта рәсем ясау белән төгәлләнде