Бик тырышып кошлар өчен, 

Җимлекләр ясап элдек.

Аларга авыр кыш көне,

Җиңел түгелен белдек.

Тәрәзәдән карап тордык-

Килүләрен кунакка

Бик яратып куна алар

Җимлек элгән куакка.

Бу атнада, урман, аның матурлыгы, байлыгы, кышлаучы кошлар турында өйрәндек. Йомгаклау чарасы " Урман аланына сәяхәт" (табышмаклар кичәсе) үткәрелде. Балалар бик күп мәгълүмәт алдылар. 

Әниләр көне уңаеннан, бакчабызда бик күркәм бәйрәм үткәрдек. Әниләребезгә карата өйрәнгән шигырьләр, җырлар, биюләр бәйрәмебезгә ямь бирде. Үз кулларыбыз белән ясалган бүләкләргә әниләребез тагын да сөенделәр.

"Без курчаклар" биюе.

Атна дәвамында без әдәплелек турында, табын әдәбе, кешеләр арасында үз-үзнңне дөрес тоту әдәпләрен өйрәндек.

Уеннар белән үрелеп барган эшчәнлегебез бик эчтәлекле иде. Курчаклар ясадык,  тәмле ризыклар "пешердек". 

Тәмле сүзеңне кызганма,

Син дустым сөйләшкәндә.

Ягымлы һәм мөләем бул,

Кешегә эндәшкәндә.

Без бу атнада Татарстаныбыз буенча сәяхәттә идек. Аның матурлыгына һәм байлыгана сокландык.Картадан үзебез яшәгән авылны таптык. Казан шәһәренең истәлекле урыннары белән таныштык. Җырлар, шигырьләр өйрәндек. 

Балалар инглиз теле түгәрәген көтеп алалар. Алисә Марсил кызы, балаларның күңеленә бик тиз үтеп кереп, уеннар аша аларны яңа дөнья белән таныштыра.

Атна дәвамында балалар белән хайваннар турында әңгәмәләр үткәрелде. Алар бик теләп кисеп ябыштырдылар, әвәләделәр,  җырлар, шигырьләр өйрәнделәр, табашмакка җаваплар таптылар.