Бүген сөйләм үстерү эшчәнлегендә юл йөрү кагыйдәләрен искә төшердек һәм транспорт төрләрен ( су, җир, һава, тимер юл) аерырга өйрәндек.

Бүген бакчабызга авылыбызның фельшеры Рушания апа килде һәм балаларга күзләрнең никадәр дөрес сакларга кирәген аңлатты, витаминнарга бай яшелчәләр,  җиләк- җимешләр ашарга тәкъдим итте. 

Бу атна дәвамында юл йөрү кагыйдәләрен өйрәнәчәкбез һәм бүгенге рәсем эшчәнлегендә транспорт төре автобусны ясарга өйрәндек.

Бүген математика эшчәнлегендә чыршылар ярдәмендә биек - тәбәнәк капма -каршы сүзләрне аерырга өйрәндек һәм геометрик фигуралардан төрле әйберләр төзедек.

Рус теле эшчәнлегендә дәфтәрләрдә яратып эшлибез.

Бүген Рәсүлнең туган көне . Аңа 6 яшь тулды. Без Рәсүлне туган көне белән котлап җыр җырладык һәм теләкләр теләдек. Рәсүл туган көне уңаеннан һәр бала төрле төстә матур туплар, бакчабызга алфавит җыентыгы.  "Ел фасылары" дигән өстәл  уены алып килде. 

Татар милли сәнгатенә мәхәббәт, ихтирам тәрбияләү, милли киемнәрнең исемнәрен дөрес әйтү күнекмәләрен бирү уңаеннан кисеп ябыштыру эшчәнлегендә балалар белән татар халык орнаментларын искә төшердек һәм түбәтәй белән альяпкычны төрле бизәкләр белән бизәдек.

Йөзләремә килешәсең

Кайларда гына белгән,

Туган көнгә дәү әтием

Кәләпүш алып килгән.

Кечкенәләр белән музыка эшчәнлегендә "Түбәтәй" уенын уйнадык.

Балалар белән урамга чыккач бар җиргә кырау төшкәнен, көннен салкын булуын күзәттек. 

Бәйрәм белән сезне, якын дуслар!

Уңган булган олы-кечегез.

Чын йөрәктән чыккан бу сүзләрне

Сәлам итеп кабул итегез.

Һәркайда да муллык, кызыл туйлар.

Һәрбер җирдә көзге шатлыклар.

“Кара көз” дип сиңа беркем әйтмәс,

Кочагында муллык, байлыклар.

Бүген бакчабызда көз бәйрәме булып узды. Бәйрәм вакытында төрле уеннар уйнап, җырлар җырлап, яфрак биюләрен биеп күңел ачтык.