Әниләргә Абдулла Алишнең "Куян кызы" әкиятен сәхнәләштереп күрсәттек һәм кечкенәләр белән куян биюен биедек.

Тиздән әниләрнең бәйрәме уңаеннан үзебезнең кечкенә кулларыбыз белән бүләкләр ясарга булдык.

Тырыш булырмын, әни,

Әйбәт булырмын, әни!

Сине мин бик яратам,

Сөендерермен, әни.

Ясаган чәчәкләребез бик матур килеп чыкты.

Математика эшчәнлегендә  таякчыклар һәм геометрик фигуралар  ярдәмендә төрледән - төрле предметлар төзедек.

Бүген Әдиләнең туган көне!. Әдиләгә  6 яшь тулды. Әдиләне туган көне белән котлап "Ак калач" җырын  җырладык, теләкләр теләдек һәм Әдилә безгә сөенече белән уртаклашып бүләкләр өләште.

Бүген рәсем эшчәнлегендә балалар үзләренең  әниләренең портретларын рәсемгә төшерделәр.

Рус теле эшчәнлегендә балалар белән җиләк-җимешләрне, яшелчәләр турында өйрәнүне дәвам иттек һәм балалар белән аларның кайда үсүләрен тагында ныграк белер өчен уен уйнадык.

Бүген бөтен дөнья күләмендә толерантность ягъни бер-беренңә карата дустанә мөнәсәббәттә, зурларга карата ихтирамлы булу, кечеләрне кыерсытмыйча ярдәмләшеп яшәү көне уңаеннан бакчабызга китапханәчә Люция Борисовна килеп балаларга дус булу бар начарлыкны җинә, дип аңлатты. Һәм ул аларга дуслык турында язылган  китаплар күрсәтте.

Люция Борисовна балаларга китапларга  карата сакчыл карашта булырга кирәклеген, битләрен ертмыйча, чиста, пөхтә кулланырга кирәклегендә исләренә төшереп үтте.

Бүгенге кисеп ябыштыру эшчәнлегендә балалар үзләренә охшаган транспорт төрләрен кисеп ябыштырдылар.