Балалар белән Габдулла Тукай әсәрләрен искә төшерүебезне дәвам итеп әвәләү эшчәнлегендә "Шүрәле", "Кызыклы шәкерт", "Бала белән күбәләк" әсәрләреннән персонажлар әвәләдек.

Бүген Айзатның туган көне!!! Аңа 5 яшь тулды.

Котлы булсын, Айзат, туган көнең,

Гел шатланып үтсен көннәрең.

Сиңа сөенеч кенә китерсеннәр

Якыннарың, барлык дусларың. 

Айзатны туган көне белән котлап җыр җырладык һәм теләкләр теләдек. Ул үзенең бәйрәм көн уңаеннан балаларга бүләкләр өләште.

Балаларда Г.Тукайның күпкырлы иҗатына кызыксыну уяту, ихтирам хисләре тәрбияләү. Шигырьнең эчтәлеге буенча үз фикерләрен әйтә белү, фикерләү, хәтер сәләтен үстерү, яттан сөйләү. Г.Тукайның тормыш һәм иҗат юлы белән таныштыру, әдәби әсәрләрне тыңлый, эчтәлеген сөйли белүләренә ирешү максатыннан сөйләм үстерү эшчәнлеге үткәрелде.

Балалар белән рәсем эшчәнлегендә динамик пауза вакытында "Су анасы" уенын уйнадык

Балалар рәсем эшчәнлегендә  Габдулла Тукай әсәрләренә рәсемнәр ясадылар. 

Агачка элгән сыерчык ояларына килгән сыерчыкларны күзәтергә , дип килдек.

Музыка эшчәнлегендә  "Чума үрдәк, чума каз" җырына музыкаль уен уйнадык.

Бүген балалар ясап алып килгән сыерчык ояларын Рәшит абый белән агачларга урнаштырдык. Сыерчыкларның ояга урнашуын көтеп каласы гына калды.

Бүгенге максатыбыз балаларны сүрәтләү сәнгатенең пейзаж жанры һәм аның төрләре белән таныштыруны дәвам итү. Балаларда галәм киңлекләре һәм күк җисемнәре турында күзаллау булдыру өчен, аларны бергәләп кәгазь битендә ясау. Безне чолгап алган дөнья киңлекләре белән кызыксыну тәрбияләү.Балаларны сюжетлы рәсемнәр белән таныштыруны дәвам итү, эчтәлеген уйлап, эшне планлаштырырга өйрәтү. Галәмне, йолдызларны,  ракетаны ясаганда төсләрне дөрес сайлап, бөтен биткә ясарга өйрәтү булып торды.