Бүген мәктәбебездә "Мин-бала! Мин-гражданин!" темасына Парламент дәресе узды. Дәресне тарих укытучысы Каримова Л.Р. алып барды. Авыл җирлеге башлыгы Гатауллина Ф.Х., мәктәп директоры Галияхметов Р.Р.,  мәктәпнең бала хокукларын яклау комиссиясе рәисе Ильясова Р.Г. чыгышларыннан соң укучылар хокукларыңны гына белеп калмаска, бурычларыңны да намус белән үтәргә кирәклегенә төшенделәр. 

6 класста "Хезмәте барның-хөрмәте бар" темасына оешма җыены узды. Җыенны остазлар Шавалиева Дилбәр һәм Сабирова Гүзәл оештырды.

24 сентябрь көнне Олы Кибәче авыл җирлеге буенча узган "Милләтләр йөгереше-2011"дә безнең мәктәп коллективы да актив катнашты. Бу йөгерештә  бер генә укучы, укытучы, хезмәткәр дә читтә калмады. Һәр яшь категориясенә  караган кеше үзенә билгеләнгән дистанцияне узды.

23 сентябрьдә Саба балалар иҗат үзәгендә узган "Ватан" фестивалендә безнең мәктәп укучылары да актив катнашты. "Вокал-соло" номинациясендә Губаева Руфинә "Сандугач-күгәрчен" җырын башкарды, Сабирова Гөлназ һәм Газизова Зилә "Нәфис сүз" номинациясендә Г.Тукай шигырьләрен сөйләп , район сайлап алу этабында чыгыш ясау хокукына ия булдылар, ә хореография коллективыбыз татар халык биюе белән чыгыш ясап, 2нче урынга лаек дип табылды. Галиахметова Зәринәнең эше кул эшләре күргәзмәсендә урнаштырылды. Фестивальдә катнашучыларга алга таба да иҗади уңышлар теләп калабыз.

Бүген  мәктәп укучылар думасының яңа составы сайлаулар уздырды. Спикер  булып 10 класс укучысы Гыйлаҗиева Миләүшә, вице-спикер  булып 8 класс укучысы Сабирова Гөлназ сайланды. 

17 сентябрь көнне  "Яшьлек" спорт үзәгендә үткәрелгән башлангыч класс укучылары арасында шахмат беренчелегендә 4 класс укучысы Шакирова Гөлназ 3нче урын яулады. Гөлназны әлеге уңышы белән котлыйбыз, алга таба да җиңүләргә ирешүен теләп калабыз.

Сентябрь-хезмэт айлыгы. Шул унайдан буген "Дуслык" оешмасында "Хезмэте барнын,хормэте бар" темасына оешма жыены узды.

Бүген мәктәбебездә 15 сентябрь-Варислар туган көнгә багышлап "Туган көнегез белән, варислар!" исемле кичә оештырылды. Бәйрәм барышында варислар законнарын искә төшерделәр, башлангыч класс укучыларына варисларның нинди сыйфатларга ия булырга тиешләре турында сөйләделәр.Кичәне педагог-оештыручы Гыйлаҗиева З.Ш. әзерләде.

Мәктәп тирәсен җәй буе чәчәкләр бизәсен дисәң, бүген үк хәстәрен күрергә кирәк. Бу көннәрдә һәр класс үзләре үстергән чәчәкләрнең орлыгын җыю белән мәшгуль.

Бүген җиңел атлетика буенча иң көчлеләрне ачыклау, район күләмендә уздырылачак көзге кросска әзерләнү максатыннан мәктәбебездә көзге кросс үткәрелде.