Бүген башлангыч классларда "Сөмбелә" бәйрәме узды. Төрле яшелчәләр һәм җиләк-җимешләр булып киенгән укучыларның йөзләрендә елмаю балкып тора. Аларның һәр чыгышын жюри һәм өлкән класс укучылары сокланып карады. Матур биюләр, күңелле җырлар белән үрелеп барылган бәйрәмдә башлангыч класс укучыларының тапкырлыклары да сыналды.Нәтиҗәдә 1 класс "Иң тырыш класс", 2 класс "Иң яхшы әзерлекле класс", 3 класс "Иң бердәм класс", 4 класс "Иң талантлы класс" исемнәренә лаек булды.

Бүген "Уңыш" бәйрәме 9-11 классларда узды.  Бәйрәмне ачып җибәреп, мәктәп директоры Роберт  Рашитович бу бәйрәмне уздыруга  укучыларның тулы хокуклы булуларын,мәктәп яны тәҗрибә участогыннан 66 мең сумлык продукция җитештерелеп сатылуын хәбәр итте, тырыш хезмәтләре өчен укучыларга һәм укытучыларга зур рәхмәт белдерде. КВН формасында оештырылган бәйрәмдә "Кечкенә хулиганнар" (9класс), "Витаминчики" (10 класс),  "Өч +сигез" (11 класс) командалары көч сынашты. 3 турдан торган бәйге барышында һәр команда үзләренең әзерлекле булуларын раслады, иҗадилыкларын һәм бердәмлекләрен күрсәтте.Бәйгедә1 балл аерма белән "Өч +сигез" командасы өстен чыкты, "Кечкенә хулиганар"га һәм "Витаминчик" ларга  2нче урын бирелде.

Бүген 5-8 классларда "Уңыш" бәйрәме узды. Бәйрәм  программасы  буенча һәр класс 10 минут дәвамында ясалган чыгышларында көзге матурлыкны һәм муллыкны мактап, төрле номерлар тәкьдим итте. Барлык  классларның да табигый материаллар белән тудырылган көзге мода коллекцияләре  үзенчәлекле иде. Бу бәйгедә укучылар үзләренең фантазияләрен күрсәтә алдылар. Барлык чыгышларга нәтиҗә ясаганнан соң,   "Чулпан" оешмасы (6 класс) җиңүче дип билгеләнде.

"Уңыш" бәйрәмнәре якынлаша. Бу бәйрәмгә һәр класс стенгазеталар чыгарырга тиеш. Газеталарны бәяләүдә төп таләпләр: укучыларның иҗатына өстенлек бирелсен, һәр мәкаләнең авторы күрсәтелсен, язмалар караңгы фонда язылмасын. Шулай ук хаталы газеталарга да түбән бәя биреләчәк.Бүген "Чишмәкәй", "Чулпан", "Тамчы" оешмалары газеталары белән танышырга мөмкин иде инде.Газеталарны элүнең соңгы срогы- киләсе дүшәмбе.

Бүгенге көндә укучылар "Уңыш" бәйрәменә әзерләнү белән мәшгуль.Әлеге бәйрәмгә һәр класс газета чыгарырга тиеш. Газеталарны бәяләгәндә укучылар иҗатына өстенлек биреләчәк. 9-11 класс укучылары өчен бәйрәм КВН формасында узачак. Аның программасы түбәндәгечә:

1 тур -сәламләү. "Таныш булыгыз-бу без!", 2 тур "Көлегез, көлегез, файдасы күп, белегез!", 3 тур "Сорау-бездән, җавап-сездән" дип атала.

Бүген мәктәбебездә, укучыларның куркынычсызлыгын тәэмин итү, терроризмны профилактикалау максатыннан, эвакуация узды.

Бүген мәктәбебездә  баскетбол ярышының зона этабы узды. Нәтиҗәләр түбәндәгечә: егетләр командалары арасында: 1 урын- Икшермә урта мәктәбе командасы, 2 урын-Сатыш урта мәктәбе командасы, 3 урын- Олы Кибәче урта мәктәбе командасы. Кызлар командалары арасында: 1 урын- Икшермә урта мәктәбе командасы, 2 урын-Олы кибәче урта мәктәбе командасы,3 урын- Сатыш урта мәктәбе командасы.

"Ел класс җитәкчесе" бәйгесе кысаларында ачык класс сәгатьләре дәвам итә. Бүген 4 класста "Саулык-зур байлык" (класс җитәкчесе-Бикмиева Д.Н.), 1 класста "Сәламәт булу серләре" (класс җитәкчесе-Баһманова р.Н.), 9 класста "Туган телем-татар теле" (класс җитәкчесе-Ильясова Р.Г.), 11 класста "Минем Ватан алдындагы бурычым" дигән темаларга сөйләшлүләр узды.

Бүген 2 класста узган класс сәгате "Урманда кунакта" дип исемләнгән иде. Класс сәгате барышында укучылар урманда кунакта булдылар, анда үз-үзеңне тоту кагыйдәләрен искә төшерделәр, һәр агачның файдасы турында аерым сөйләштеләр, дару үләннәрен искә төшерделәр. Алар янына килгән Шүрәлегә хаталарын төзәтергә булыштылар.  Класс җитәкчесе-Шайхеразиева Ф.В.

Бүген 8 класста "Матур булу серләре" дигән темага ачык класс сәгате узды. Укучылар класс җитәкчеләре Гафиятова Ә.Ф. белән бергәләп "Нинди кеше матур була?", "Киемне ничек сайларга?", "Чәчләрне, тырнакларны ничек тәрбияләргә", "Кызларга нинди егетләр ошый?" кебек сорауларга җавап эзләделәр.