Бүген мәктәбебездә  укучылар,укытучылар һәм техник хезмәткәрләр көче белән  җәй буе тәрбияләп үстергән бәрәңге уңышы җыеп алынды.Бу эштә укучыларның әтиләре дә бик теләп транспорт белән булышты. Уңыш бик мулдан булу барыбызны да сөендерде.

"Көзге игелек атнасы"акциясендә безнең укучыларыбыз да катнашты. Олы Кибәче ,Төбәк авылында урнашкан һәйкәл-обелисклар,мәктәп  тирәләре  чистартылды.

Укучыларга экологик тәрбия бирү, аларда табигатькә сакчыл караш тәрбияләү-мәктәпнең төп бурычларыннан берсе. "Яшә, чишмә!" акциясендә безнең укучылар да теләп катнашты. Авылыбызның бизәге булган "Зөлхиҗҗә чишмәләре", Зиятдин  чишмәсе, Галим чишмәсе территорияләре укучылар көче белән тәртипкә китерелде.

Бүген мәктәбебездә  эвакуация уздырылды.Укучыларның гадәттән тыш хәлләргә әзерлекләре барланды.Эвакуациядә Икшермә янгын сүндерү бүлеге начальнигы Салахиев Ф.Ф катнашты.Барлык укучылар да, тиешле таләпләрне үтәп, мәктәп янына җыелдылар. Гомумән, эвакуация канәгатьләнерлек дип бәяләнде.

"Бурдан кала, уттан калмый" дигән татар халык мәкален һәркем белә. Ләкин бар кеше дә янгын куркынычсызлыгы кагыйдәләрен төгәл үтәми. Әлеге күнекмәләр кече яшьтән үк булдырылырга тиеш. Бүген укучылар Икшермә янгын сүндерү бүлеге начальнигы Салахиев Ф.Ф. белән очраштылар. Ул укучыларны янгын куркынычсызлыгы кагыйдәләрен төгәл үтәргә чакырды.

Парклар һәм скверлар елы  уңаеннан   мәктәбебездә рәсемнәр бәйгесе үткәрелде. Бәйгедә җиңеп чыккан эшләр районга җибәрелде. Бәйгедә 6 нчы сыйныф укучысы Мухаметова Алиянең  һәм 8 сыйныф укучысы Шакирова Гөлназның эшләре I урынга ,үз яшьтәшләре арасында 1 нче сыйныф укучысы Башаров Даниярның эше  II урынга, Газизова Ландышның эше Сертификатка лаек булды. Чын күңелдән котлыйбыз! 

Куркынычсызлык айлыгы дәвам итә. 7 сентябрьдә, янгын куркынычсызлыгын тәэмин итү максатыннан, эвакуация узды. Укучыларга янгын хәвефе булган очракта үтәлергә  тиешле кагыйдәләр  турында аңлатылды.

Парк һәм скверлар көне уңаеннан педагог-оештыручы Багманова Р.Н 5,6 сыйныф укучылары белән кызыклы әңгәмә оештырды. Укучылар үзләрен кызыксындырган сораулар буенча фикер алыштылар.

Бүген мәктәбебездә "Финанс грамоталылыгы көне" Бөтенроссия акциясе кысаларында "Росгосстрах" компаниясе агенты Яруллина Чулпан Вагизовна белән очрашу узды. Чулпан Вагизовна югары класс укучыларына иминиятләштерү компаниясенең эш юнәлешләре ; үзеңне, йорт-җиреңне, милкеңне иминиятләштерүнең зарурлыгы турында сөйләде.

ген  дигән темага бердәм дәрес узды.  Әлеге  дәреснең  төп максаты – җәмгыятебездә милләтара һәм конфессияара татулыкны ныгыту, террорлык һәм экстремистлык чагылышларына юл куймау. Укучыларга моның өчен үзара аңлашып яшәү, бер-береңә карата түземле булу, башка милләт һәм дин вәкилләренә, аларның традицияләренә хөрмәт белән карау мөһим икәнлеге аңлатылды. 8-11 классларда әлеге дәресне Исмагилова Ч.Р., калган классларда класс җитәкчеләре уздырды.