11 февраль көнне Олы Кибәче авыл җирлегендә "Чаңгы юлы - 2017" булып үтте. Бу ярышта мәктәбебез укытучылары һәм укучылары актив катнаштылар.

11 февраль көнне татар мәктәпләре өчен татар теле буенча узган олимпиаданың республика этабында мәктәпнең 11 сыйныф укучысы Газизова И. (укытучысы: Гафиятова Ә.Ф.) һәм 9 сыйныф укучысы Шакирова Г. (укытучысы: Сафина С.З.) призлы урынга лаек булдылар. Укытучыларны һәм укучыларны чын күңелдән җиңүләре белән котлыйбыз! Киләчәктә зур уңышлар, саулык - сәламәтлек телибез!

Бүген мәктәбебездә 1 сыйныф укучылары өчен "Әлифба бәйрәме" булып үтте. 1 нче сыйныф укучылары үзләренең яраткан дәреслекләре "Әлифба" белән саубуллаштылар.

8 февраль көнне Саба районының Балалар иҗат үзәгендә "Иң шәп әйдаман - 2017" бәйгесе узды. Бу бәйгедә мәктәбебезнең 9 сыйныф укучысы Галиахметова Зәринә 3 урынга лаек булды. Зәринәне чын күңелдән котлыйбыз һәм киләчәктә дә зур уңышлар телибез!

Февраль- патриотик тәрбия һәм сәламәт яшәү рәвеше тәрбияләү айлыгы. Әлеге айлык кысаларында мәктәптә төрле чаралар планлаштырылган. Бүген 9, 10 класс укучылары "Күңелле стартлар"да көч сынаштылар. Эстафета, боулинг, скакалкада ярыш, бадминтон буенча көч сынашып,  иң җитезләр билгеләнде.

Мәктәп китапханәсендә "Ватан геройларына дан һәм хөрмәт" темасына китап күргәзмәсе урнаштырылды

Казан Федеральуниверситетының социаль - фәлсәфи фәннәр һәм гаммәви коммуникация институтының татар журналистикасы кафедрасы мөдире, филология фәннәре докторы, профессор, Россия Федерациясе югары һөнәри белем өлкәсенең мактаулы хезмәткәре Васил Заһит улы Гарифуллин исемендәге "Серле каләм" иҗат бәйгесендә 5 - 6 нчы сыйныфлар арасында Фатихов И.И. 2 урын һәм мәктәп күләмендә чыгучы газеталар арасында үткәрелгән номинациядә "Ай нурлары" газетасы 3 урын яулады.  

2 февраля в школе состоялась встреча с преподавателем К(П)ФУ, кандидатом филологических наук из кафедры иностранных языков для физико-математического направления и компьютерных технологий Исмагиловой Г.К.  Гулюса Курбангалиевна рассказала обучающимся 9-11 классов об учебном заведении, об условиях приема и специальностях.

Бүген мәктәбебездә ОГЭ, ЕГЭга әзерлек буенча 9, 11 классларда ата-аналар җыелышлары узды. Укыту эшләре буенча директор урынбасары Габдулхаева Р.Р. әти-әниләрне 2017нче елда КИМнарда булган үзгәрешләр, имтихан үткәрү тәртибе, расписание проекты белән таныштырды.Татар мәктәпләренең 9 класс укучылары ОГЭны, рус теленнән кала,  барлык предметлардан татар телендә тапшыра алу мөмкинлеге булу, вариантларның  РЦМКО сайтында урнаштырылган булуы турында сөйләде. Предмет укытучылары һәр укучының имтиханнарга әзерлек дәрәҗәсе белән таныштырды, районда һәм мәктәптә узган репетицион тестирование нәтиҗәләре буенча тирәнтен анализ ясалды.