"Дуслык"та 7 көнебез иртәнге гимнастика белән башланып китте. Иртәнге аштан соң Саба районының Советлар Союзы геройлары турында әңгәмә үтте. "Тизрәк, биегрәк, көчлерәк" бәйгесендә "Роза" командасы җиңү яулады. Төшке аштан соң балалар Олы Кибәче авылы китапханәсенә экскурсиягә бардылар. Китапханә мөдире Фатихова Г.Р. балаларның китапханәгә йөрүен тагын да активлаштыру максатыннан яңа китапларга күзәтү уздырды. Китап укучылар үзләренә ошаган китапларны өйдә уку өчен алдылар. 

В рамках акции "Жизнь без наркотиков" в лагере труда и отдыха прошли соревнования по шахматам.

"Дуслык"та 6 нчы көнебез "Горурланам синең белән, Татарстан!" дип аталды. Татарстан Республикасы дәүләтенең символлары турында әңгәмә узды, видеоролик күрсәтелде, туган як турында шигырьләр укыдылар. "Без булачак солдатлар" дигән күңелле спорт ярышы үткәрелде. Төшке аштан соң балалар асфальтта дәүләт символлары рәсемен ясадылар.

Лагерьда 5 нче көнебез рус шагыйре А.С.Пушкин иҗатына багышланды. "Роза" һәм "Ромашка" отрядлары шагыйрьнең әкиятләрен сәхнәләштерделәр, әсәрләренә иллюстрацияләр ясадылар. А.С.Пушкинның тормыш юлы һәм иҗаты буенча сорауларга җавап бирделәр. Төшке аштан соң "Семицветик" психологик үзәге психологлары балалар белән тренинг уздырдылар.

Сегодня в пришкольном оздоровительном лагере "Дуслык" прошли мероприятия, посвященные Дню русского языка. При проведении интеллектуальной игры  "Великий русский  язык" определили знатоков русского языка.  Дети с большим желанием участвовали на мероприятиии "В мире сказок", инсценировали сказки великого поэта, читали стихотворения, нарисовали иллюстрации.

В рамках акции "Жизнь без наркотиков" в лагере труда и отдыха прошли соревнования по настольному теннису.

"Җилкән"дә көнебез гадәттәгечә иртәнге гимнастикадан башланып китте. Иртәнге аштан соң балалар мәктәп яны тәҗрибә участогында яшелчә түтәлләренә, чәчәкләргә су сиптеләр. "Пушкин - рус шигъриятенең кояшы" дип исемләнгән викторинада катнаштылар.

"Дуслык" лагеренда 4 нче көнебез көндәгечә иртәнге линейка һәм гимнастикадан башланып китте. Иртәнге аштан соң Т. Нәҗмиевның "Яшә, Саба йорт!" китабы турында әңгәмә үткәрелде. Балалар районыбызда туып үскән күренекле шәхесләр белән таныштылар. "Джунгли авазы" дип исемләнгән бәйгедә балалар 2 командага бүленеп көч сынаштылар. Төшке аштан соң "Мин киләчәктә Саба районын ничек күзаллыйм" дип аталган рәсем конкурсы үткәрелде. Җиңүчеләргә буләкләр тапшырылды. 

"Дуслык" ял һәм сәламәтләндерү лагеренда 3нче көн "Батырлар янәшәдә яши" исеме астында узды. Балалар Бөек Ватан сугышы ветераннары, тыл ветераннары турындагы альбомнар  белән таныштылар, үзләренең гаиләләреннән сугышта катнашучылар турында иптәшләренә сөйләделәр. Саф һавада узган "Көчлеләр, кыюлар, җитезләр" ярышында  иң җитезләр ачыкланды. Мәктәпнең Туган якны өйрәнү музеендагы  Бөек Ватан сугышы чорын чагылдырган экспонатлар, стендлар да зур кызыксыну уятты. Көндезге аштан соң "Тынычлык булсын җирдә" рәсем бәйгесендә  балалар җирдәге тынычлыкның кадерен белергә чакырды.

Лагерьның 2 көне "Туган ягым табигате" дип исемләнде. Балалар якташыбыз Л.Шәрәфиеваның "Эчәр суым синдә, Кибәчем!" китабы белән таныштылар.  "Туган ягым, яшел бишек" дип аталган рәсем конкурсы оештырылды. Төшке аштан соң саф һавада хәрәкәтле уеннар уйнадылар.