Без яшибез бергә бу матур дөньяда

Без җырлыйбыз бергә, туган телебездә

Безнең бар хыяллар, бәхетле киләчәк

Бир Ходай син безгә бәхетле киләчәк. 

"Күгебез һәрчак аяз, тыныч булсын"дип исемләнгән девиз астында, балалар белән кисеп- ябыштыру эшчәнлегендә тынычлык күгәрченнәре ясадык.

Бакчабызда "Тукай безнең күңелләрдә"дип исемләнгән Габдулла Тукайны искә алу кичәсе узды. Балалар шагыйрьнең тормыш юлы, иҗаты белән таныштылар. Шигырьләрен сөйләделәр, җырлар җырладылар, табышмакларга  җавап таптылар. 

"Без табигать балалары"дип исемләнгән тема кысаларында бакчабызда тәрбияләнүче балалар табигатькә сәяхәткэ чыктылар. Аларда табигатькә сакчыл караш, мәхәббәт тәрбияләү максатыннан саф һавада уеннар, әңгәмә үткәрелде. Балалар яңа чыккан чәчәкләр, оя коручы кошлар белән таныштылар. 

Бакчабызда "Хезмәт төбе хәзинә"дип исемләнгән атна үтте. Балалар өлкәннәр хезмәте, аларның һөнәрләре белән таныштылар. Атна ахырында " Мин үскәч кем булам"дип исемләнгән рәсем күргәзмәсе үткәрелде. 

Бакчабызда "Галәм киңлекләре" дип исемләнгән атналык узды. Балаларны беренче очучы Ю.А.Гагарин белән якыннанрак таныштырдык. Галәм турында белемнәребезне системалаштырдык. Планеталарны искә төшердек. Атна дәвамында җырлар өйрәндек, рәсемнәр, пластилиннан фигуралар ясадык. Балаларда тирә-юньне , табигатьне саклау буенча белемнәрне киңәйттек.

Кече Кибәче авылы китапханәчесе Фатыйхова Гөлүсә Рамазан кызы  бакчабызда "Йолдыз апага -60" дип исемләнгән поэзия сәгате үткәрде. Балалар шагыйрәнең тормыш юлы, иҗаты,шигырьләре белән таныштылар. Китапханәчегә сораулар биреп, җавап алдылар.  Әдәби чара шагыйрәнең китаплары танышу белән тәмамланды

25 март көнне бакчабызда "Заманча алымнар кулланып, мәктәпкәчә яшьтәге балаларның математик күзаллауларын формалаштыру" дип исемләнгән район күләм семинар булып узды.Анда кечкенәләр төркеме тәрбиячесе Солтанова Рушания Әсгать кызы "Тиеннең туган көне" дип исемләнгән, мәктәпкәчә әзерлек төркеме тәрбиячесе Мөхәммәтшина Диләрә Фоат кызы "Буратинога ярдәмгә" дип аталган математик эшчәнлек күрсәттеләр.Тәрбиячеләрнең эшчәнлекләре югары дәрәҗәдә бәяләнде.

Бакчабызда "Нәүруз" бәйрәме дә билгеләп үтелде. Балаларның табигать турында белемнәре ныгытылды. Борынгы гореф-гадәтләр искә төшерелде. Кичә шигырьләр , татарча уеннар, җырлар белән үрелеп барылды.

Бакчабызда балалар "Ут дус та , дошман да" дип исемләнгән тема белән таныштылар. Янгын куркынычсызлыгы кагыйдәләре искә төшерелде.Янгын чыгу очрагында үзләрен дөрес тоту күнекмәләре ныгытылды. Янгын темасына багышланган рәсемнәр, плакатлар ясалды.