15 нче февраль татар халкының моң чишмәсе булган яраткан җырчыбыз Илһам Шакировның туган көне.

   Безнең якташларыбыз, авылдашларыбыз да Әфганстанда барган сугышларда катнаштылар.Алар арасыннан Язлы Арташ авылында туып үскән Ферденант исемле якташыбыз шушы сугышта вафат булды. Ике Басу Арташ авылыннан Сәләхиев Фаез,Гайбадуллин Рушан,Заһидуллин Фаязлар ,Олы Арташ авылыннан Мөхәммәтшин Илгизләр Әфганстанда хезмәт итеп үзләренең Ватан алдында булган бурычларын үтәп исән-имин туган якларыбызга әйләнеп кайттылар.Рәхмәт аларга.

Муса Җәлилнең  туган көнендә атналыкны тәмамлап Җәлил шигырьләрен иң оста башкаручы конкурсы үткәрдек. Иң оста шигырь сөйләүче булып Хуҗина Язгөл табылды.

Россия күләм үтүче ,,Сәламәт гаиләдә-сәламәт балалар” акциясе кысаларында безнең бакчабызда да чара үткәрелде. Без балалар белән очрашуга безнең бакчабызда тәрбияләнеп киткән хәзергесе вакытта Олы Арташ төп мәктәбенең 5 нче һәм 9 нчы сыйныфларында белем алучы спортны яратучы ,бик күп район ,республика күләм спорт ярышларында катнашкан, батминтон, бокс,көрәш ярышларында призлы урыннар һәм медальләр,кубок алган  дусларыбыз абыйлы-энеле  Галимуллин Нияз һәм Галимуллин Фаязларны чакырдык.Алар сәламәт һәм көчле булу өчен үзеңдә нинди сыйфатлар тәрбияләргә кирәклеге турында сөйләделәр ,балаларның сорауларына җаваплар бирделәр.Соңыннан балалар белән ,,Спортландия” дип аталган уен –кичә, спорт уеннары  үткәрдек.

Галимуллин Фаяз  5 нче сыйныфта гына укуына карамастан менә күпме уңышларга ирешкән.

8 нче февраль көнне бердәм чаңгы ярышлары үткәрелде.Традициягә кереп  баручы  бу чарада барыбыз да теләп катнашабыз. Саф һавада күмәк чаңгы шуу  күңелле чара һәм сәламәтлекне ныгытуга тагын да бер адым булып тора.

Спорт-сәламәтлек чыганагы! Спорт белән дус булыйк!

Кисеп ябыштыру элементлары белән рәсем. Балаларның күмәкләп ясаган эшләре.

Балалар әвәләү эшчәнлегендә Себердә яшәүче хайваннар белән таныштылар һәм пластилиннан болан ясадылар.