17нче март көнне Олы Арташ төп мәктәбендә якташыбыз Фәләхов Рифат истәлегенә район күләмендә көрәш ярышлары булып үтте.Без дә балалар белән абыйларының ничек итеп көрәшүләрен карарга кердек,аларга көч,дәрт биреп тордык.

Әни! Әни! Синнән башка тагын

Кем бар шундый бала бәгырьле!

Кояш җиргә берәү булган кебек,

Син дә безгә шулай кадерле.


Рәхмәт яусын безнең әнкәйләргә

Аларгадыр бөтен авырлык.

Әнкәйләргә якты йолдызлардан,

Я кояштан һәйкәл салырлык!

7 нче март көнне бакчабызда ,,Минем кадерлеләрем! " дип аталган балалар иртәсе үткәрдек. Бәйрәмгә әбиләрне чакырдык. Үзләренең оныкларын күрергә аларның матур җырларын шигырьләрен тыңларга дип әбиләребез бик теләп бакчабызга җыелды. Балалар да әбиләре килгәнгә бик сөенделәр. Җырладылар .биеделәр,әбиләрен котладылар. Бәйрәм бик күңелле үтте. 

Гаянов Илүс һәм Мөхәммәтҗанов Камилләр Бөтенроссия күләменә үткәрелгән  ,,Минем яраткан мультфильмым"  рәсем конкурсында катнаштылар.Мөхәммәтҗанов Камил 2 нче урынга лаек булды,ә Гаянов Илүс актив катнашканы өчен грамоталар белән бүләкләнделәр.Без аларга иҗади уңышлар башка конкурсларда да актив катнашуларын телибез.

Безнең бакчабызда 22 нче февраль көнне ,,Без әтиләр белән көчле!" дип аталган бәйрәм кичә үткәрелде. Балалар  җырладылар,биеделәр ,әтиләре белән бергә уйнадылар,әтиләренә багышлап шигырьләр сөйләделәр.Бәйрәм  бик күңелле үтте.

Ил сакчылары көне ул

Әти өчен зур бәйрәм.

Әтиемә атна буе,

Әзерләдем мин бүләк.

Самигуллин Илнар һәм Хуҗина Язгөлләр мари биюен башкаралар.

Балалар әтиләренә ,,Теремкәй" әкиятен дә сәхнәләштереп күрсәттеләр.